Nkhaŵa
Kansi mudela nkhaŵa chifukwa choyopa umphaŵi, njala komasoti kusoŵa ponkhala?
Miy 10:15; 19:7; 30:8
Visanzo va m’Baibolo vingakuyavyeni:
Mlr 3:19-Yerusalemu pechiwonongewa, mneneli Yeremiya molingana na ŵanthu anyinji enzeve ponkhala.
2Ak 8:1, 2; 11:27—Akhilisitu Akumakedoniya enze na umphaŵi ukulu ngako ndipo nthawe ziyakine ntumwi Paulo enzesoŵa chakulya, vovwala komasoti malo oyona.
Malemba angatitonthoje:
Sl 37:25; 145:15; Miy 10:3; Mt 6:25-34
Onanisoti De 24:19
Kansi mudela nkhaŵa chifukwa choyopa kunkhala muliye ayanu, kunkhala mweka kapena kusakondewa?
Yob 19:19; Mla 4:10, 12
Visanzo va m’Baibolo vingakuyavyeni:
1Mf 18:22; 19:9, 10—Mneneli Eliya enzewona kuti aliyeka monga ntumiki wokhulupilika wa Yehova.
Yer 15:16-21—Mneneli Yeremiya enzewona kuti enzeyeka, chifukwa chakuti ŵanthu enzekonda ngako kusangalala kupambana uthenga wake wofumila kwa Yehova.
Malemba angatitonthoje:
Sl 25:15, 16; 1Pe 5:7
Visanzo va m’Baibolo votitonthoja:
1Mf 19:1-19—Yehova epasa mneneli Eliya vinthu vingamuyavye, emvwishila moleza ntima nkhaŵa zake ndipo emulimbikisa nomuwonesha kuti Yove ali na mphamvu zomuyavya.
Yoh 16:32, 33—Yesu enzeziŵa kuti ayake amene awo azamuthaŵe, koma aliyedele nkhaŵa chifukwa choziŵa kuti Yehova ankhale naye nthawe zonse.