Ntchito
Kansi pali kukatijana kotyani pakati pa ntchito na kusangalala?
Kansi pali ubwino wotyani wokata ntchito luweme komasoti mwaluso?
-
Visanzo va m’Baibolo vingakuyavyeni:
-
1Sa 16:16-23—Davide enzeziŵika kuti ali na luso yoimba nyimbo, vamene ivi vichitisha kuti mfumu ikokondwela naye komasoti ikomulemekeza.
-
2Mb 2:13, 14—Chifukwa chakuti Hiramu-abi enze na luso yomanga, Mfumu Solomo emukatishila ntchito panthawe yenzekata ntchito ikulu yomanga.
-
Ndaŵa yanji atumiki a Yehova ofunika kuziŵika kuti ni ŵanthu okata ntchito mwakhama?
-
Visanzo va m’Baibolo vingakuyavyeni:
-
Ge 24:10-21—Rebeka emuchitila vinthu vinyinji ntumuki wa Abulahamu kupambana vechimusenga, vamene ivi viwonesha kuti enze na khama pa ntchito.
-
Afi 2:19-23—Ntumwi Paulo epasa Timoteyo udindo ukulu chifukwa enze wofunushisha kukata ntchito mwakhama komasoti molichefya poyavya ayakine.
-
Ndaŵa yanji atumiki a Yehova ofunikalini kunkhala aulesi?
Miy 13:4; 18:9; 21:25, 26; Mla 10:18
-
Visanzo va m’Baibolo vingakuyavyeni:
-
Miy 6:6-11—Mfumu Solomo ekatishila ntchito chisanzo cha nyelele pofuna kuphunzisa ŵanthu kufunika kokata ntchito mwakhama.
-
Ndaŵa yanji tufunika kuyeja-yeja kuti tikofwana vosoŵa vasu vakuthupi?
Ndaŵa yanji tufunika kukata ntchito mwakhama kuti tikosamalila ŵanthu a m’banja mwasu amene odalila sewo?
-
Visanzo va m’Baibolo vingakuyavyeni:
-
Ru 1:16, 17; 2:2, 3, 6, 7, 17, 18—Rute wamene enze mwanakazi wamasiye ekata ntchito mwakhama kuti asamalile apongozi ŵake a Naomi.
-
Mt 15:4-9—Yesu ezuzula ŵanthu amene enzenena kuti onkhala ngako bize potumikila Yehova mwakuti ofwanalini mpata osamalila makolo ŵawo.
-
Ndaŵa yanji tufunika kupasako ayakine vinthu vatufwana chifukwa chokata ntchito mwakhama?
Kansi tufunika kunkhala na maganizo otyani pankhani yamalipilo ŵatufwana pokata ntchito yolembewa?
Kansi tuziŵa tyani kuti Yehova ofuna kutiyavya kuti tikokata luweme ntchito yasu komasoti kufwana vosaŵa vasu vakuthupi?
Mt 6:25, 30-32; Lu 11:2, 3; 2Ak 9:10
-
Visanzo va m’Baibolo vingakuyavyeni:
-
Ge 31:3-13—Labani echitila mkweni wake Yakobo vinthu viliye chilungamo, koma Yehova ewona khama yenze nayo Yakobo pokata ntchito ndipo emudalisa.
-
Ge 39:1-6, 20-23—Yehova edalisa ntchito ya Yosefe penze kapolo komasoti mkaidi m’ng’anda ya Potifala.
-
Ndaŵa yanji tufunikalini kuwona ntchito yasu kunkhala yofunika ngako kupambana kutumikila Yehova?
-
Visanzo va m’Baibolo vingakuyavyeni:
-
Lu 12:15-21—Yesu penzephunzisa epeleka fanizo powonesha kuti mkusoŵa nzelu kuika chuma pasogolo mmalo motumikila Mulungu.
-
1Ti 6:17-19—Ntumwi Paulo echenjeja Akhilisitu olemela kuti ofunikalini kunyoza ayakine ndipo eŵalimbikisa kuti “ofunika kunkhala olemela mwauzimu.”
-
Ni mfundo zotyani zingatiyavye kusankha luweme ntchito yatingafunike kuikata?
-
Eks 20:4; Mac 15:29; Aif 4:28; Chv 21:8—Kansi ntchito yamene iyi ingonichitisha kuti nikochita vinthu vakuzondana navo Mulungu?
-
Eks 21:22-24; Yes 2:4; 1Ak 6:9, 10; 2Ak 7:1—Kansi ntchito yamene iyi ingachitishe ŵanthu ayakine kuchita vinthu vakuzondana navo Yehova vamene vinganipangishe kunkhala wolakwa?
-
Alo 13:1-7; Tit 3:1, 2—Kansi ntchito yamene iyi yunichitisha kuti nifwaye malamulo a ichi chalo?
-
2Ak 6:14-16; Chv 18:2, 4—Kansi ntchito yamene iyi inganichitishe kunkhala kumbali olo kuchilikiza chipembezo chawenye?
Kutumikila Yehova
Kansi ni ntchito yofunika ngako yotyani yangachite Akhilisitu?
Ndaŵa yanji tufunishisha kuchita vonse vatingakwanishe potumikila Yehova?
Lu 13:24; Alo 12:11; 1Ak 15:58; Ahe 6:10-12
Onanisoti 1Ti 3:1
Ndaŵa yanji tufunikalini kuyembekezela kuti aliyense angachite vinthu volinga- na na muyake potumikila Yehova?
-
Visanzo va m’Baibolo vingakuyavyeni:
-
Mt 25:14, 15—Fanizo ya Yesu yuwonesha kuti yove oyembekezelalini kuti ophunzila ŵake onse akokata ntchito yolingana.
-
Lu 21:2-4—Yesu mowama ntima evomeleja kuti chopeleka chitontho chechipeleka mwanakazi wamasiye komasoti wosauka chenze chofunika ngako.
-
Kansi mphamvu zatunkhala nazo potumikila Yehova tuzifwana kuni?
2Ak 4:7; Aif 3:20, 21; Afi 4:13
-
Visanzo va m’Baibolo vingakuyavyeni:
-
2Ti 4:17—Ntumwi Paulo evomeleja kuti yove elondela mphamvu yenzefunikila panthawe yoyenelela.
-
Ndaŵa yanji kukata ntchito mwakhama potumikila Yehova kuleta chisangalalo?
Onanisoti Mt 25:23
Mungakondesoti kuwona izi
ZA SEWO
Sengani kuti muzatandajiwe na wa Mboni za Yehova
Sengani kuti muzatandajiwe nokambilana mfundo za m’Baibolo na wa Mboni za Yehova, olo yesani pulogilamu yasu yophunzila Baibolo kwamahala.
