Visanzo va m’Baibolo vingakuyavyeni:

• Lu 9:46-48—Yesu ezuzula atumwi ŵake chifukwa cha ntima wofuna kutchuka wenze nawo mmitima mwawo.

Visanzo va m’Baibolo vingakuyavyeni:

• Ge 6:5-7—Kuipa kwa mitima ya ŵanthu kwiŵachitisha kuti ayambe kuchita vinthu vachiwawa, ndipo vichitisha kuti Mulungu alete chigumula pa chalo chonse.

• 1Mf 11:1-10—Mfumu Solomo ekangiwa kuteteza ntima wake, ndipo elungula anakazi achilwendo vamene vichitisha kuti apandukile Yehova.

• Mk 7:18-23—Yesu efotokoza kuti vilakolako vonse viipa vufumila mu ntima, ndipo vingatichitishe kuti tichite vinthu vakuzondana navo Mulungu.

Visanzo va m’Baibolo vingakuyavyeni:

• Aif 6:14-18; 1At 5:8—Pofotokoza vida vankhondo vauzimu, ntumwi Paulo efotokoza kuti chilungamo, chikhulupililo na chikondi vingateteze ntima wophiphilisila monga mwamene chapachifuwa mwachutetezela ntima ngawo-ngawo.

 Visanzo va m’Baibolo vingakuyavyeni:

• 2Mb 25:1, 2, 17-27—Kwa nthawe itontho, Mfumu Amaziya echita vinthu voyenelela pa menso pa Mulungu koma aliye konde Yehova kufumila pansi pa ntima; papita ka nthawe eyamba kulikuja komasoti aliyemvwile Yehova, ndipo ekumana na mavuto.

• Mt 7:17-20—Yesu ewonesha kuti monga mwamene chimuti chiipa mwachutwalila vitwazi viipa, ntima uipa utwala minkhalidwe iipa.

Visanzo va m’Baibolo vingakuyavyeni:

• 2Mf 20:1–6—Mfumu Hezekiya enze wokhulupilika ndipo enzetumikila Yehova na ntima wonse, tetyo pechisala patontho kumwalila esenga Yehova kuti amuyavye.

• Mt 21:28-32—Yesu ekatishila ntchito fanizo powonesha kuti ntima wa munthu uziŵika na vochita osati na volaŵila.

Visanzo va m’Baibolo vingakuyavyeni:

• 1Sa 16:1-13—Mneneli Samueli eziŵa kuti Yehova owonalini mawonekedwe akunja; koma yove owona vili mu ntima mwa munthu.

• 2Mb 6:28-31—Pemphelo yechipeleka Mfumu Solomo popatulila kachisi wa Yehova iwonesha kuti Mulungu omvwisha luweme vili mu ntima mwasu. Ndipo okatishila ntchito chiziŵiso chamene icho potisamalila.