Visanzo va m’Baibolo vingakuyavyeni:

• Ge 24:1-4, 7—Abulahamu esankhila mwana wake Isaki mwanakazi, pakati pa ŵanthu otumikila Mulungu osati pakati pa Akanani amene enzetumikila milungu iyakine.

•  Ge 28:1-4—Isaki euja mwana wake Yakobo kuti osati akalungule mwanakazi pakati pa Akanani, koma akalungule mwanakazi oyopa Yehova.

Visanzo va m’Baibolo vingakuyavyeni:

• 1Mf 11:1-6, 9-11—Olo kuti venze vosakatijana na malamulo a Yehova Mfumu Solomo elungula anakazi anyinji achilwendo, anakazi amene awo echitisha kuti Solomo ayambe kulambila milungu ya wenye vamene ivi vichitisha kuti Yehova akalipe.

• Ne 13:23-27—Pofuna kuwonesha ukali wolungama wa Yehova, bwanamkubwa Nehemiya elanga komasoti kuzuzula ŵanthu amene epanduka nolungula ŵanthu osakhulupilila ofumila mvyalo vosiyana-siyana.

Visanzo va m’Baibolo vingakuyavyeni:

• 1Sa 25:2, 3, 14-17—Nabala enze mwanalume wolemela koma enze wankhanza ndipo elipangisha kunkhala mwanalume muipa kuli mwanakazi wake abigaeli.

• Miy 21:9—Keno tingalekesankha mwanzelu munthu wolungulana naye tingakumane na mavuto komasoti tingankhale wosasangalala.

• Alo 7:2—Ntumwi Paulo efotokoza kuti mwanakazi akalunguliwa onkhala omangika pa nthawe yonse yamene mwanalume wake ali na moyo, koma mwanakazi wanzelu ovomekeja kunkhala na mwanalume wake.

Visanzo va m’Baibolo vingakuyavyeni:

• Miy 24:27—Mwanalume akaliye lungula komasoti akaliye nkhala na ŵana ofunika kukonzekela mwangezesamalilila banja yake.

Visanzo va m’Baibolo vingakuyavyeni:

• Ru 2:4-7, 10-12—Boazi eziŵa kuti Rute ni munthu wotyani pechiona khama yenze nayo mwenzechitila vinthu na Naomi, kumvwa nkhani zokhuza yove kuli ŵanthu okhulupilika komasoti kuwona mwenzekondela Yehova.

•  Ru 2:8, 9, 20—Rute ewona kuti Boazi enze munthu wopasa, muweme ntima komasoti munthu wokonda Yehova.

Visanzo va m’Baibolo vingakuyavyeni:

• Miy 5:18, 19—Njila ziyakine za chikondi zuwoneshewa tyala kuli ŵanthu olungulana.

• Nym 1:2; 2:6—Panthawe ya chibwenzi nchiŵeta na ndola Yachisulami enzelaŵijana mawu atuŵa komasoti achikondi osati mawu aipa angayambishe chilakolako cha kuyonana.

• Nym 4:12; 8:8-10—Ndola Yachisulami yenze yolilesha komasoti yolisunga, yenze monga ni dimba yochinjilija.

Visanzo va m’Baibolo vingakuyavyeni:

• Ge 21:8-12—Yehova echitisha Abulahamu kumvwila mwanakazi wake Sara olo kuti enzekatijanalini na maganizo ŵake.

• Miy 31:10, 11, 16, 28—Mwanalume wanzelu olamulilalini mwanakazi wake olo kumupezela vifukwa yayi, koma omukhulupilila nomutembeja.

• Aif 5:33—Ntumwi Paulo efotokoza kuti mwanakazi ofunika kuziŵa kuti mwanalume wake omulemekeza.

 Visanzo va m’Baibolo vingakuyavyeni:

• Miy 1:8; 1Ak 7:4—Mulungu epasa anakazi na amama udindo m’banja.

• 1Ak 11:3—Ntumwi Paulo efotokoza kuti Yehova elinganija kuti aliyense akolamuliliwa na muyake kupatulapo Mulungu wamphamvu yonse.

• Ahe 13:7, 17—Mu mpingo, analume na anakazi onse ofunika kugonjela akulu.

Visanzo va m’Baibolo vingakuyavyeni:

• Ge 18:12; 1Pe 3:5, 6—Sara enzelemekeza ngako mwanalume wake ndipo enzemuwona kuti ni “Ambuya ŵake,” olo mutu wauzimu mmaganizo mwake.

Visanzo va m’Baibolo vingakuyavyeni:

• Ge 24:62-67—Rabeka eyavya mwanalume wake Isaki komasoti kumutonthoja pavuli pakuti amayi ŵake amwalila.

• 1Sa 25:14-24, 32-38—Abigaeli eteteza mwanalume wake wamene enzeganizalini luweme nopulumusha banja yake pechidandaulila Davide molichefya.

• Est 4:6-17; 5:1-8; 7:1-6; 8:3-6—Mfumukazi Esitere eika moyo wake pangozi pechiluta kuli mwanalume wake akaliye itiwa nopapatila kuti ŵanthu a Mulungu atetezewe.