MBALI 9
Kansi Paladaiso ikawele nthawe yanji?
Matamano ali pano pachalo ooneshelatu kuti Ufumu wa Mulungu uchitepo kanthu kwalombapano. Luka 21:10, 11; 2 Timoteyo 3:1-5
Baibolo yelaŵililatu za vinthu vuchitika masiku ŵano. Yelaŵililatu kuti ŵanthu azaŵe olikonda, okonda ndalama, olimvwa, olikuja, onyoza, osamvwila makolo, asatembeja, osachetekeleka komasoti, okonda vosangulusha.
Kuzaŵe kunyang’anya kwa mphamvu kwa chalo, nkhondo, kusoŵa kwa vakulya, komasoti kuzaŵe milili ya matenda. Ivi vinthu vuchitika masiku ŵano.
Yesu elaŵila soti kuti uthenga uweme uyu wa ufumu uzalalikiliwe pachalo chonse.—Mateyu 24:14.
Ufumu ukafumyepo kuipa konse. 2 Petulo 3:13
Lombapano, Yehova acheneke ŵanthu onse aipa.
Satana na viŵanda vake azapasiwe chilango.
Koma omvwila Mulungu azapulumuke kuti azankhale muchalo chanyowani chachilungamo, mwamene mutimuzaŵeve soti kuchita wowa; chalo chamene ŵanthu akokondana na kuchetekelana muyake na muyake.
