Keno tufuna kumutemwesha Yehova, pali munthu muyakine watufunikila kumumvwila. Kale akaliye lenga Adamu, Yehova elenga mngelo muyakine wamphamvu kululu.

M’kupita kwa nthawe Yehova emutumija kuti akavyalike ku Betelehemu kwa ndola iyakine zina yake Mariya. Mwana wamene uyo emupasa zina yakuti Yesu.—Yohane 6:38.

Monga munthu pa chalo, Yesu eonesha luweme ngako mankhalidwe a Mulungu. Enze muweme ntima, wachikondi, soti enzetemwa kutandala na ŵanthu. Mosachita wowa ephunzisa ayakine chendi cha Yehova.

Yesu enzepoja olwala nousha ŵanthu ayakine enze echifwa.

Asogoleli a vipembezo emuzonda Yesu, pachikomo chakuti eulula viphunziso vawo vawenye na minkhalidwe yao iipa.

Asogoleli a vipembezo etumfya Aroma kuti aniyate Yesu nomupaya.