MUTU 02
Baibolo yutipasa chiyembekezo
Ŵanthu pa chalo chonse okumana na mavuto amene oŵachitisha kuti akonkhala na chisoni, okhumudwa komasoti akokumvwa kuŵaŵiwa. Kansi mwewo mwekumanapo kale na vinthu vamene vekuchitishani kuti mukokumvwa teti? Olo payakine muvutika na matenda olo yayi payakine munthu wemwenzekonda emwalila. Mungalikonshe kuti; ‘Kansi moyo uzankhale uweme?’ Baibolo yupeleka yankho yodalilika pakonsho yamene iyi.
1. Kansi Baibolo yutipasa tyani chiyembekezo?
Baibolo yufotokozalini tyala chifukwa chuchitisha kuti chalo chinkhale chozula na mavuto, koma yufotokozasoti uthenga uweme wakuti mavuto amene aŵa ni akanthawe ndipo lombapano asile. Malonjezo a m’Baibolo “angatipase sogolo komasoti chiyembekezo.” (Ŵelengani Yeremiya 29:11, 12.) Malonjezo amene aŵa otiyavya kuti tikolimbana na mavuto ŵatukumana nawo, nakunkhala na maganizo aweme komasoti kufwana chisangalalo chisasila.
2. Kansi Baibolo yunena za sogolo yotyani?
Baibolo yunena za nthawe ya kusogolo pamene “imfwa izaŵepolinisoti kuzaŵeve kulila, olo kumimila, olo soti voŵaŵa.” (Ŵelengani Chivumbulutso 21:4.) Mavuto amene angapangishe kuti moyo unkhale uliye chiyembekezo masiku ŵano—monga umphaŵi, kuchitiliwa vinthu viliye chilungamo, matenda komasoti imfwa—azaŵepolinisoti. Baibolo yulonjeza kuti ŵanthu azasangalale na moyo kosasila m’Paladaiso pano pa chalo.
3. Kansi mwewo mungayangijile tyani chikhulupililo chanu pa chiyembekezo chayupeleka Baibolo?
Ŵanthu anyinji oyembekezela kuti vinthu viweme vichitike, koma onkhala aliye chisimikijo chakuti vinthu vakuyembekezela vizakwanilishike. Vayulonjeza Baibolo n’vosiyana na vamene ivi. Tingayangijile chikhulupililo chasu pa vayunena Baibolo keno “tusakila-sakila Malemba mosamala.” (Machitidwe 17:11) Mukophunzila Baibolo, mwewo munkhale na udindo wosankha keno mungakhulupilile vayunena Baibolo vokhuza sogolo.
VATI TIPHUNZILE
Tiphunzile vochitika viyakine vayutilonjeza Baibolo ku sogolo. Ndipo tiwone mwamene chiyembekezo chayupeleka Baibolo mwachuyavyila ŵanthu masiku ŵano.
4. Baibolo yupeleka chiyembekezo cha moyo wosasila wangwilo
Onani ndandanda iyi yokonkhapo ya malonjezo opezeka m’Baibolo. Kansi nilonjezo yotyani pa malonjezo amene aŵa yukuchitishani chidwi mwewo? Ndipo ndaŵa yanji?
Ŵelengani malemba ofotokoza za malonjezo amene aŵa, ndipo mukambilane makonsho aŵa:
-
Kansi muwona kuti malemba amene aŵa opeleka chiyembekezo? Kansi angapeleke chiyembekezo ku banja yanu komasoti kuli azishamwali ŵanu?
Ganizilani kuti munkhala pano pa chalo
|
PALIYE AKUTI . . . |
ALIYENSE AZASANGALALE NA VINTHU IVI . . . |
|---|---|
|
|
|
|
|
|
|
|
|
|
5. Vayulonjeza Baibolo vingakwanishe kuchinja vinthu
Ŵanthu anyinji osangalalini ndipo onkhala okhumudwa chifukwa cha mavuto ŵakukumana nawo. Ayakine oyeja-yeja kuchita vangakwanishe kuti achinje vinthu kuti vinkhale luweme. Onani mwamene lonjezo ya m’Baibolo yakuti vinthu vizachinje mwayuyavyila ŵanthu lomba teti. Lolelani VIDIYO, ndipo pavuli pake mukambilane makonsho aŵa okonkhapo.
-
Mu vidiyo yamene iyi, kansi ni vinthu viliye chilungamo votyani venzesokoneza Rafika?
-
Olo kuti vinthu viliye chilungamo vechikumana navo viliye sile, kansi Baibolo imuyavya tyani?
Keno tukhulupilila vayulonjeza Baibolo ponena za kusogolo, tingakwanishe kupilila vinthu vokhumudwisa nonkhala osangalala olo kuti tukumana na mavuto. Ŵelengani Miyambo 17:22 na Aroma 12:12, ndipo pavuli pake mukambilane makonsho aŵa:
-
Kansi muganiza kuti uthenga upezeka m’Baibolo wokhuza chiyembekezo ungachinje moyo wanu lomba teti? Ndaŵa yanji?
ŴANTHU AYAKINE ONENA KUTI: “Malonjezo a m’Baibolo akusogolo sembe ni aweme ngako kuti ni achendi.”
-
Ndaŵa yanji muganiza kuti n’kofunika kusakila-sakila umboni wake?
MFUNDO ZACHIDULE
Baibolo yutipasa chiyembekezo ndipo yutiyavya kuti tikolimbana na mavuto, potilonjeza sogolo iweme yamene ni yosangalasa.
Makonsho oweleja
-
Ndaŵa yanji ŵanthu ofunikila kuziŵa zokhuza malonjezo a Mulungu?
-
Kansi Baibolo yunena chinji vokhuza vakusogolo?
-
Kansi kunkhala na chiyembekezo chakusogolo kungakuyavyeni tyani lomba teti?
PHUNZILANI VINYINJI
Phunzilani vinyinji vokhuza mwachingakuyvileni chiyembekezo mukakumana na mavuto.
“Kansi mungachifwane kuni—Chiyembekezo?”(Galamukani!, 8 May, 2004)
Ziŵani mwamene chiyembekezo chokhuza vakusogolo mwachingayavyile ayakine amene ali na matenda asapola.
“Tikankhala na matenda asapola—Kansi Baibolo ingatiyavye?”(Nkhani yapa webisaiti)
Mukayamba kulolela vidiyo iyi ya nyimbo, ganizilani kuti mwewo na banja yanu musangalala na moyo m’Paladaiso wayulonjeza Baibolo kusogolo.
Ŵelengani mwamene moyo munthu enzemenyela ufulu wa ŵanthu na vinyama mweuchinjila pavuli pakuti waphunzila za chiyembekezo cha m’Baibolo chakusogolo.
“Lomba niliyesoti maganizo ofuna kuchinja vinthu vaichi chalo” (Nsanja ya Olonda, 1 July, 2013)
