MUTU 04
Kansi Mulungu niŵani?
Kufumila kale-kale, ŵanthu ankhala olambila milungu inalume na milungu inakazi. Olo vili tetyo, Baibolo yunena za Mulungu mmozi wamene “ni nkulu kupambana milungu yonse.” (2 Mbiri 2:5) Kansi niŵani? Ndipo n’chinji chumuchitisha kunkhala nkulu kupambana milungu iyakine yonse yakulambila ŵanthu? M’mutu uno, muphunzile mwamene Mulungu mwakufunila kuti mumuziŵe.
1. Kansi zina ya Mulungu niŵani, ndipo tingakhulupilile tyani kuti yove ofuna kuti timuziŵe?
M’Baibolo, Mulungu oliziŵikisha yeka kuli sewo. Yove onena kuti: “Newo nine Yehova. Yamene iyi niye zina yangu.” (Ŵelengani Yesaya 42:5, 8.) Zina yakuti “Yehova” ni mawu Achiheberi amene angatanthauze kuti “Yove Ochitisha Kunkhala.” Yehova ofuna kuti sewo tiziŵe zina yake. (Ekisodo 3:15) Kansi tingakhulupilile tyani vamene ivi? M’Baibolo zina yake yupezeka maulwendo opitilila 7.000! a Koma zina yakuti Yehova ni ya “Mulungu wachendi kululu komasoti pano pachalo.”—Deuteronomo 4:39.
2. Kansi Baibolo yutiuja chinji vokhuza Yehova?
Baibolo yunena kuti pakati pa milungu yonse yakulambila ŵanthu, Yehova niye Mulungu yumo wachendi. Ndaŵa yanji? Pali vifukwa vinyinji. Yehova ali na ulamulilo wonse, ndipo yove niye “Nkulu Wachilengedwe chonse.” (Ŵelengani Salimo 83:18.) Yove ni “wamphamvuzonse,” vamene vutanthauza kuti yove ali na mphamvu yochita chilichonse changasankhe. Yove “elenga vinthu vonse”—chilengedwe chonse na vamoyo vonse vapachalo. (Chivumbulutso 4:8, 11) Mosiyana na aliyense, Yehova wankhala alipo kuyambila kale-kale ndipo ankhalepo mpaka kale-kale.—Salimo 90:2.
VATI TIPHUNZILE
Tiphunzile vinyinji vokhuza kusiyana kulipo pakati pa mazina audindo a Mulungu na zina yake yapadela. Pavuli pake, tiphunzile mwechiululila zina yake kuli mwewo komasoti chifukwa chake.
3. Mulungu ali na mazina anyinji audindo, koma ali na zina imozi
Kuti muwone kusiyana kulipo pakati pa mazina audindo a munthu na zina yake, lolelani VIDIYO, ndipo pavuli pake mukambilane konsho iyi yokonkhapo.
-
Kansi pali kusiyana kotyani pakati pa zina yaudindo, yakuti “Ambuya” na zina ngayo-ngayo?
Baibolo yunena kuti ŵanthu olambila milungu inyinji na ambuya anyinji. Ŵelengani Salimo 136:1-3, ndipo pavuli pake mukambilane konsho iyi:
-
Kansi “Mulungu wa milungu” na “Ambuya wa ambuya” niŵani?
4. Yehova ofuna kuti timuziŵe komasoti kukatishila ntchito zina yake
Kansi chinji chuwonesha kuti Yehova ofuna kuti mwewo muziŵe zina yake? Lolelani VIDIYO, ndipo pavuli pake mukambilane makonsho aŵa okonkhapo.
-
Kansi muganiza kuti Yehova ofuna kuti zina yake iziŵike? Ndaŵa yanji?
Yehova ofuna kuti ŵanthu akokatishila ntchito zina yake. Ŵelengani Aroma 10:13, ndipo pavuli pake mukambilane makonsho aŵa:
-
Kansi kukatishila ntchito zina ya Yehova, n’kofunika tyani?
-
Kansi mukumvwa tyani keno muyakine wakumbukila zina yanu na kuikatishila ntchito?
-
Kansi muganiza kuti Yehova akumvwa tyani mukokatishila ntchito zina yake?
5. Yehova ofuna kuti mwewo munkhale naye paushamwali
Mwanakazi muyakine waku Cambodia wa zina yakuti Soten enena kuti kuphunzila za zina ya Yehova kwimuyavya kunkhala wosangalala “pano pa chalo.” Lolelani VIDIYO, ndipo pavuli pake mukambilane konsho iyi yokonkhapo.
-
Mu vidiyo yamene iyi, kansi kuphunzila zina ya Mulungu kwimukhuza tyani Soten?
Mukaliyenkhala pa ushamwali na munthu muyakine, nthawe zinyinji muphunzila za yove olo za zina yake. Ŵelengani Yakobo 4:8a, ndipo pavuli pake mukambilane makonsho aŵa:
-
Kansi Yehova okusengani kuti muchite chinji?
-
Kansi kuziŵa zina ya Mulungu na kuikatishila ntchito kungatiyavye tyani kuti tikomukonda ngako?
ŴANTHU AYAKINE ONENA KUTI: “Pali tyala Mulungu yumo, ndipo paliye vuto kuti umuita munjila yotyani.”
-
Kansi mwewo mukhulupilila kuti zina ya Mulungu ni Yehova?
-
Kansi mwewo mungafotokoze tyani pa nkhani yakuti Mulungu ofuna kuti tikokatishila ntchito zina yake?
MFUNDO ZACHIDULE
Zina yakuti Yehova ni zina tyala ya Mulungu yumo wachendi. Yove ofuna kuti tiiziŵe komasoti tikoikatishila ntchito kuti tivwendele pafupi na yove.
Makonsho oweleja
-
Kansi Yehova osiyana tyani na milungu iyakine yonse yakulambila ŵanthu?
-
Kansi ndaŵa yanji tufunika kukatishila ntchito zina ya Mulungu?
-
Kansi n’chinji chuwonesha kuti Yehova ofuna kuti mwewo muvwendele pafupi yove?
PHUNZILANI VINYINJI
Onani vifukwa 5 vamene vutisimikijila kuti Mulungu aliko chendi.
Phunzilani chifukwa chake n’vomvwika kukhulupilila kuti Mulungu alipo nthawe zonse.
“Kansi niŵani epanga Mulungu?” (Nsanja ya Olonda, 1 August, 2014)
Phunzilani chifukwa chake tufunika kukatishila ntchito zina ya Mulungu, olo kuti katomoledwe kakale ka zina yamene iyi koziŵikalini bwino-bwino.
Kansi pali vuto iliyonse na mwatingatomolele Mulungu? Onani chifukwa chake tinganene kuti alityala na zina imozi.
“Kansi Mulungu ali na mazina angani?” (Nkhani yapa webisaiti)
a Kuti muziŵe vinyinji vokhuza tanthauzo ya zina ya Mulungu komasoti chifukwa chake omasulila Baibolo ayakine eichosamo, onani Zakumapeto 3 mu Baibulo la Dziko Latsopano la Malemba Opatulika.
