MUTU 20
Kansi mpingo Ŵachikhilisitu uyendeshewa tyani?
Yehova ni Mulungu wadongosolo. (1 Akorinto 14:33) N’chifukwa chake atumiki ŵake nawo ofunika kuchita vinthu mwadongosolo. Kansi mpingo Wachikhilisitu uyendeshewa tyani? Lomba kansi tingayavye tyani kuti mpingo wamene uyu ukoyenda luweme?
1. Kansi niŵani osogolela mpingo?
“Khilisitu niye mutu wa mpingo.” (Aefeso 5:23) Yesu ali kululu, koma yove osogolela ntchito za ŵanthu a Yehova pa chalo chonse. Monga mutu wa mpingo, yove esankha “kapolo wokhulupilika na wanzelu.” Kapolo wamene uyu ni kagulu katontho ka akulu amene oziŵikasoti kuti Bungwe Yutonga. (Ŵelengani Mateyu 24:45-47.) Molingana na atumwi komasoti akulu aku Yerusalemu, Bungwe Yutonga yupeleka malangizo ku mipingo pa chalo chonse. (Machitidwe 15:2) Koma ŵanthu amene aŵa niyelini osogolela gulu yasu. Tunena tetyo chifukwa ove odalila Yehova komasoti Mawu ŵake kuti akoŵasogolela komasoti ogonjela Yesu monga mutu wawo.
2. Kansi akulu okata ntchito yanji mumpingo?
Akulu ni abale otang’a mwauzimu amene ophunzisa Malemba na kusamalila ŵanthu a Yehova poŵayavya na kuŵalimbikisa. Ove olondelalini malipilo aliwonse akokata ntchito yawo yamene iyi. Mmalo mwake otumikila “mofunishisha, osati chifukwa chofuna kupindulapo kanthu kalikonse koma na ntima wonse.” (1 Petulo 5:1, 2) Akulu oyavyiwa na atumiki othandiza, amene m’kupita kwa nthawe oyenelela kunkhala akulu.
Bungwe Yutonga yusankha akulu ayakine kuti ankhale opanamila madela. Abale amene aŵa onyungila mipingo yosiyana-siyana kuti atang’ishe abale na alongo komasoti kuŵapasa malangizo othandiza. Opanamila madela oika pa udindo akulu komasoti atumiki othandiza amene okwanilisha mfundo za m’Malemba.—1 Timoteyo 3:1-10, 12; Tito 1:5-9.
3. Kansi wa Mboni za Yehova aliyense ali na udindo wotyani?
Aliyense mumpingo “otamanda zina ya Yehova” pochita nawo vinthu vosiyana-siyana pamisonkhano komasoti kukata nawo ntchito yolalikila, molingana na mwavilili vinthu pa moyo wake.—Ŵelengani Salimo 148:12, 13.
VATI TIPHUNZILE
Tiphunzile kuti tiziŵe kuti Yesu ni nsogoleli wotyani, vakuchita akulu potolela chisanzo chake, komasoti vatingachite sewo kuti tikomvwila Yesu komasoti akulu.
4. Yesu ni nsogoleli wachifundo
Yesu otisenga mwachikondi kuti ankhale nsogoleli wasu. Ŵelengani Mateyu 11:28-30, ndipo pavuli pake mukambilane makonsho aŵa:
-
Kansi Yesu ni nsogoleli wotyani, lomba ofuna kuti tikokumvwa tyani akotisogolela?
Kansi akulu okonkheja tyani chisanzo cha Yesu? Lolelani VIDIYO.
Baibolo yunena momvwika luweme vakufunika kuchita akulu pokata ntchito yawo.
Ŵelengani Yesaya 32:2 na 1 Petulo 5:1-3, ndipo pavuli pake mukambilane makonsho aŵa:
-
Kansi mwewo mukumvwa tyani mukaganizila kuti akulu oyeja-yeja kulimbikisa ayakine monga ni mwenzechitila Yesu?
-
Kansi akulu okonkheja Yesu munjila ziyakine zotyani?
5. Akulu ophunzisa ayakine pokatishila ntchito chisanzo chawo
Kansi Yesu ofuna kuti akouwona tyani udindo wawo? Lolelani VIDIYO.
Yesu ni chisanzo chiweme ngako kuli abale amene osogolela mumpingo. Ŵelengani Mateyu 23:8-12, ndipo pavuli pake mukambilane konsho iyi:
-
Kansi n’chinji chukuchitishani chidwi mukaganizila kusiyana pa vinthu vayufotokoza Baibolo kuti akulu akochita na vamwankhala muwona vakuchita asogoleli avipembezo?
-
Akulu osamalila ma banja ŵawo kuti ankhale otang’a mwauzimu
-
Akulu osamalila ŵanthu onse mu mpingo
-
Akulu olalikila nthawe zonse
-
Akulu ni aphunzisi. Oyavya pa ntchito yopyela komasoti ntchito ziyakine
6. Tikoŵamvwila akulu
Baibolo yutiuja chifukwa chomvwika chatufunikila kumvwila akulu. Ŵelengani Aheberi 13:17, ndipo pavuli pake mukambilane makonsho aŵa:
-
Ndaŵa yanji Baibolo yutilimbikisa kuti tikomvwila komasoti kugonjela amene osogolela? Ndipo ndaŵa yanji munena tetyo?
Ŵelengani Luka 16:10, ndipo pavuli pake mukambilane konsho iyi:
-
Ndaŵa yanji tufunika kumvwila akulu olo pa nkhani zuwoneka monga ni zitontho-zitontho?
ŴANTHU AYAKINE ONENA KUTI: “N’kosafunikila ngako kunkhala mu chipembezo chilichonse.”
-
Kansi muganiza kuti munthu angapindule tyani akolambila Mulungu pamozi na mpingo?
MFUNDO ZACHIDULE
Yesu ni mutu wa mpingo. Tusangalala kumvwila akulu amene omvwila Yesu chifukwa otilimbikisa komasoti otiphunzisa pokatishila ntchito chisanzo chawo chiweme.
Makonsho oweleja
-
Kansi mutu wa mpingo ni ŵani?
-
Kansi akulu ouyavya tyani mpingo?
-
Kansi wa Mboni za Yehova aliyense ali na udindo wotyani?
PHUNZILANI VINYINJI
Onani umboni wakuti Bungwe Yutonga komasoti akulu oganizila ngako Akhilisitu masiku ŵano.
Onani ntchito yakukata opanamila madela.
Moyo wa opanamila madela amene otumikila kumadela a kuminzi (4:51)
Ŵelengani kuti muwone vinthu vakuchita anakazi mumpingo.
“Kansi anakazi a Mboni za Yehova ophunzisa Mawu a Mulungu?” (Nsanja ya Olonda, 1 September 2012)
Onani vakuchita akulu kuti alimbikise abale na alongo ŵawo.
