MUTU 25
Kansi Mulungu ali na cholinga chotyani kuli sewo?
Baibolo yutiuja kuti kuli sewo teŵanthu ‘moyo ni ufupi komasoti niwozula na mavuto.’ (Yobu 14:1) Niyekuti moyo wamene uyu niye wakufuna Mulungu kuli sewo? Kansi Mulungu enze na cholinga chotyani polenga ŵanthu? Kansi nsiku iyakine cholinga chamene ichi chizakwanilishiwe? Mwewo mukondwele kuziŵa mayankho a m’Baibolo.
1. Kansi Mulungu ofuna kuti sewo tinkhale na moyo wotyani?
Yehova ofuna kuti sewo tiŵe na moyo uweme. Pechilenga chalo eyika ŵanthu oyambilila, Adamu na Hava, m’paladaiso munda uweme ngako wa Edeni. Komasoti “Mulungu eŵadalisa, n’kuwauja kuti: ‘Muvyalane mupake, muzuje chalo soti muchilolele.’” (Genesis 1:28) Yehova enzefuna kuti ove ankhale na ŵana, komasoti kusamalila chalo chonse kuti chinkhale paladaiso, nosamalilasoti vinyama. Chifunilo chake chenze chakuti ŵanthu onse ankhale na moyo wosasila. N’chendi kuti vinthu viliye chitike mwenzefunila Mulungu.
Olo kuti vinthu viliye yende tetyo, a koma cholinga chake chiliye chinje. (Yesaya 46:10, 11) Mulungu akalifuna kuti ŵanthu omumvwila ankhale na moyo kosasila komasoti wangwilo munjila zonse.—Ŵelengani Chivumbulutso 21:3, 4.
2. Kansi palipano tingankhale tyani na moyo wosangalala?
Yehova etilenga munjila yakuti tikokwanisha kuzindikila vosoŵa “vauzimu,” kutanthauza kuti, tufunika kumuziŵa komasoti kumutumikila. (Ŵelengani Mateyo 5:3-6.) Yove ofuna kuti tinkhale naye pa ushamwali wotang’a, “nopitilija nthawe zonse kuyenda munjila zake, nonkhala na chikondi kwa yove,” komasoti nomutumikila “na ntima wonse.” (Deuteronomo 10:12; Salimo 25:14) Kuchita vamene ivi, kungatiletele chisangalalo ngacho-ngacho olo kuti tukumana na mavuto. Kutumikila Yehova kungachitishe kuti moyo wasu unkhale na pindu.
VATI TIPHUNZILE
Tiphunzile za chikondi chikulu chechitiwonesha Yehova popanga ichi chalo. Tiphunzilesoti vayutiphunzisa Baibolo vokhuza cholinga cha moyo.
3. Yehova ofuna kuti sewo teŵanthu tinkhale na moyo uweme ngako
Lolelani VIDIYO, ndipo pavuli pake mukambilane konsho iyi.
-
Ndaŵa yanji Mulungu elenga pulaneti yasu iweme ngako?
Ŵelengani Mlaliki 3:11, ndipo pavuli pake mukambilane makonsho aŵa:
-
Kansi Yehova eika chinji mu ntima mwasu? Kansi vamene ivi vuwonesha kuti yove ofuna chinji kuli sewo?
4. Vinthu vakufuna Yehova kuli sewo viliye chinje
Ŵelengani Salimo 37:11, 29 na Yesaya 55:11, ndipo pavuli pake mukambilane konsho iyi:
-
Kansi tingaziŵe tyani kuti cholinga cha Yehova kuli sewo chiliye chinje?
Ng’anda yosasamaliliwa luweme ingakonzewe nonkhala soti iweme. N’chimozi-mozisoti, na ichi chalo, chusamaliliwalini luweme na ŵanthu, koma Yehova azawamye ichi chalo kuwamyila ŵala omukonda
5. Kulambila Yehova kuchitisha kuti moyo wasu unkhale na tanthauzo
Kuziŵa tanthauzo ya moyo kungatichitishe kunkhala osangalala. Lolelani VIDIYO, ndipo pavuli pake mukambilane konsho iyi.
-
Kansi moyo wa Terumi wechinja tyani pavuli pakuti waphunzila cholinga cha moyo?
Ŵelengani Mlaliki 12:13, ndipo pavuli pake mukambilane konsho iyi:
-
Pakuti Yehova watichitila vinthu vinyinji, kansi sewo tingachite chinji kuli yove?
ŴANTHU AYAKINE ANGAKUKONSHENI KUTI: “Kansi cholinga cha moyo ni chinji?”
-
Mwewo mungayankhe kuti tyani?
MFUNDO ZACHIDULE
Yehova ofuna kuti sewo tiŵe na moyo m’paka kale-kale ndipo ofuna kuti tinkhale na moyo uweme uliye mavuto pano pa chalo. Keno tulambila Yehova na ntima wasu wonse, moyo wasu unkhala na tanthauzo ngayo-ngayo olo—lomba teti.
Makonsho oweleja
-
Kansi Yehova enzefuna chinji kwa Adamu na Hava?
-
Kansi tuziŵa tyani kuti chifunilo cha Mulungu kuli ŵanthu chiliye chinje?
-
Kansi moyo wanu ungankhale tyani na tanthauzo?
PHUNZILANI VINYINJI
Onani umboni wakuti munda wa Edeni wenzeko chendi.
“Kansi munda wa Edeni —wenzeko chendi?” (Nsanja ya Olonda, 1 January, 2011)
Onani vamene vutichitisha kukhulupilila kuti chalo chinkhalepo m’paka kale-kale.
Onani vayunena Baibolo vokhuza cholinga cha moyo.
Joni enze ganiza kuti ali na vonse pa moyo wake onani mwechiziŵila vinthu venze peleŵela pa moyo wake.
a M’mutu wokonkhapo, tizawone chiphoniyeka.
