MUTU 45
Kansi kusankhala mbali ya chalo kutanthauza chinji?
Yesu ephunzisa kuti osatila ŵake ofunikalini “kunkhala mbali ya chalo.” (Yohane 15:19) Vamene ivi vutanthauza—kusaloŵelela mu ndale olo mu nkhondo zamene zuchitika m’chalo chamene icho. Koma kuchita vamene ivi ni kupepulini. Ŵanthu angotinyoza olo kutiseka chifukwa chosachita nawo vinthu va m’chalo. Kansi tingachite chinji kuti osati tinkhale ku mbali ya ichi chalo na cholinga chakuti tinkhale mphela okhulupilika kwa Yehova Mulungu?
1. Kansi Akhilisitu a chendi owonesha tyani kuti olemekeza maboma a ŵanthu?
Akhilisitu olemekeza maboma a ŵanthu. Tuchita ivi pomvwila mawu a Yesu akuti “pelekani vinthu va Kaisara kwa Kaisara”—tetyo, tumvwila malamulo a m’chalo chatunkhala amene oyangijilapo kupeleka misonkho. (Maliko 12:17) Baibolo yuphunzisa kuti maboma a ŵanthu olamulila tyala chifukwa chakuti Yehova waŵalola kuti alamulile. (Aroma 13:1) Tetyo sewo tuziŵa kuti maboma a ŵanthu ali na malile, olo kuti mphanvu ni zitontho, poŵalinganija na Mulungu. Tuziŵa kuti Mulungu wasu niye ati azasilije mavuto onse a ŵanthu pokatishila ntchito Ufumu wake.
2. Kansi tingawoneshe tyani kuti tililini ku mbali ya chalo?
Molingana na Yesu, nase tuchitalini nawo vandale. Pa nthawe iyakine ŵanthu pechiwona vodabwisa vechichita Yesu enzefuna kumupasa ufumu koma yove ekana. (Yohane 6:15) Ndaŵa yanji Yesu ekana? Yove elaŵila kuti: “Ufumu wangu ulilini mbali ya chalo chino.” (Yohane 18:36) Chifukwa chakuti nise ophunzila a Yesu, nase tukana kunkhala mbali ya chalo ndipo tuchita vamene ivi m’njila zosiyana-siyana. Mwachisanzo, tuniyatalini nawo nkhondo. (Ŵelengani Mika 4:3.) Olo kuti vinthu viyakine monga—mbendela—tuviwona kuti ni vofunika, sewo tuvilambilalini vinthu vamene ivi chifukwa kuchita vamene ivi kuli monga ni kulambila mafano. (1 Yohane 5:21) Komasoti tuikilalini kuvuli olo kushusha chipani chilichonse cha ndale olosoti wosogolela wake. Tikochita vamene ivi tuwonesha kuti nise okhulupilika na ntima wonse ku boma ya Mulungu yamene—ni Ufumu wake.
VATI TIPHUNZILE
Tiphunzile vinthu vingachitishe kuti vinkhale vovuta kusankhala ku mbali ya chalo, ndipo ganizilani mwamungasankhile vinthu vingakondweleshe Yehova.
3. Akhilisitu achendi onkhalalini ku mbali ya chalo
Yesu na osatila ŵake ewonesha chisanzo chiweme ngako pa nkhani yamene iyi. Ŵelengani Aroma 13:1, 5-7 na 1 Petulo 2:13, 14. Komasoti, lolelani VIDIYO ndipo pavuli pake mukambilane makonsho aŵa.
-
Ndaŵa yanji tufunika kulemekeza maboma a ŵanthu?
-
Kansi ni vinthu votyani vatingachite powonesha kuti tuŵamvwila?
Pa nthawe ya nkhondo, vyalo viyakine vunena kuti vililini mbali iliyonse ya gulu ya nkhondo, koma opezeka kuti oyavya magulu aŵili amene awo oniyatana. Lomba kansi kusankhala mbali ya chalo kutanthauza chinji? Ŵelengani Yohane 17:16. Komasoti, lolelani VIDIYO ndipo pavuli pake mukambilane konsho iyi.
-
Kansi kusankhala mbali ya chalo kutanthauza chinji?
Kansi mungachite tyani keno akulu-akulu a boma ofuna kuti muchite vinthu vushushana na malamulo a Mulungu? Ŵelengani Machitidwe 5:28, 29. Komasoti, lolelani VIDIYO ndipo pavuli pake mukambilane makonsho aŵa.
-
Keno vakunena malamulo a ŵanthu ni voshushana na vayunena lamulo ya Mulungu, kansi tufunika kumvwila lamulo yaŵani?
-
Kansi muganiza kuti Nkhilisitu ofunikalini kumvwila olamulila a chalo pa vinthu votyani?
4. Mukopewa kuganiza olo kuchita vinthu vuwonesha kuti muli ku mbali ya chalo
Ŵelengani 1 Yohane 5:21. Komasoti, lolelani VIDIYO ndipo pavuli pake mukambilane makonsho aŵa.
-
Mu vidiyo yamene iyi, ndaŵa yanji Ayenge ekana kuloŵa chipani chandale olo kuchita miyambo yuwonesha kukonda chalo chawo monga kulambila mbendela?
-
Kansi muganiza kuti yove esankha vinthu mwanzelu?
Kansi ni vinthu viyakinesoti votyani vingachitishe kuti vinkhale vovuta kusankhala ku mbali ya chalo? Lolelani VIDIYO, ndipo pavuli pake mukambilane makonsho aŵa.
-
Kansi tingawoneshe tyani kuti tililini ku mbali ya chalo pakuchitika masoŵela a mipikishano a mʼvyalo vosiyana-siyana?
-
Kansi tingawoneshe tyani kuti tililini ku mbali ya chalo keno andale asankha vinthu viweme olo viipa vingakhuze moyo wasu?
-
Kansi vatuŵelenga na kumvwishila olosoti vatikumvwa kwa ŵanthu ŵatutandala nawo vingatikhuze tyani pa nkhani yosankhala ku mbali ya chalo?
Kansi Nkhilisitu ofunika kupewa kuganizila komasoti kuchita vinthu votyani vuwonesha kuti ali ku mbali ya chalo?
ŴANTHU AYAKINE ANGAKUKONSHENI KUTI: “Ndaŵa yanji mulambilanawolini mbendela olo kuimba nyimbo ya fuko?”
-
Kansi mwewo mungayankhe kuti tyani?
MFUNDO ZACHIDULE
Akhilisitu oyeja-yeja kupewa kuganiza, kulaŵila, olo kuchita vinthu vingaŵachitishe kunkhala ku mbali ya chalo.
Makonsho oweleja
-
Ndaŵa yanji tufunika kulemekeza maboma a ŵanthu?
-
Ndaŵa yanji tuchitanawolini vandale?
-
Kansi ni vinthu votyani vingachitishe kuti tinkhale ku mbali ya chalo?
PHUNZILANI VINYINJI
Kansi tingalolele kuleka vinthu votyani na cholinga chakuti osati tinkhale ku mbali ya chalo?
Kansi mabanja angakonzekele tyani kupewa viyeso vingaŵachitishe kuti ankhale ku mbali ya chalo?
Osati tikochita vinthu vuwonesha kuti tili ku mbali ya chalo tikankhala pa gulu (4:25)
Ndaŵa yanji kuteteza chalo chako ni kosafunika ngako polinganija na kulipeleka kwa Mulungu?
Onani vingakuyavyeni kuti osati munkhale ku mbali ya chalo mukosankha ntchito yamufuna kukata.
“Aliyense azatwike ntolo wake wa yove yeka” (Nsanja ya Olonda, 15 March, 2006)
