Skip to content

Skip to table of contents

Loŵani (opens new window)
Sakilani pa JW.ORG

MUTU 51

Kansi mungachite tyani kuti vamulaŵila vikokondwelesha Yehova?

Kansi mungachite tyani kuti vamulaŵila vikokondwelesha Yehova?

Yehova pechitilenga, etipasa mphaso yapadela—yamene ni luso yolaŵila. Kansi vumukhuza akawona mwatukatishilila ntchito mphaso yamene iyi? Eye, vumukhuza! (Ŵelengani Yakobo 1:26.) Lomba tingachite tyani kuti volaŵila vasu vikokondwelesha Yehova?

1. Kansi tikoikatishila ntchito tyani mphaso yolaŵila?

Baibolo yutiuja kuti “tipitilije kutonthojana nolimbikisana.” (1 Atesalonika 5:11) Kansi muwona kuti pali ŵanthu ayakine amene ofunika kulimbikisiwa? Niye mungachite tyani kuti muŵalimbikise? Ŵasimikijileni kuti muŵawona kuti ni ofunika ngako. Payakine mungaŵauje minkhalidwe iweme yalinayo ove yamene yukukondweleshani. Kansi mungakumbukile lemba iyakine yamene yamungalimbikisile nayo munthu muyakine? Pali malemba anyinji ndipo mungachite sankhapo imozi yamungafune kukatishila ntchito. Osaluŵasoti kuti mungakwanishe kulimbikisa munthu chifukwa cha mawu amungasankhe kuŵakatishila ntchito komasoti mwamungaŵalaŵilile. Tetyo nthawe zonse mukolaŵila mowama ntima komasoti modekha.—Miyambo 15:1.

2. Kansi tufunika kupewa kulaŵila vinthu votyani?

Baibolo yunena kuti: “Mawu aliwonse owola osati afume pakamwa panu.” (Ŵelengani Aefeso 4:29.) Vamene ivi vutanthauza kuti tufunika kupewa kulaŵila mawu otukila olo achipongwe, komasoti osati tikolaŵila vinthu na cholinga chofuna kumuŵaŵisha ntima munthu muyake. Tikopewasoti tonjo komasoti kulaŵila vinthu viipa vokhuza ŵanthu ayakine.—Ŵelengani Miyambo 16:28.

3. N’chinji chingatiyavye kuti tikolaŵila vinthu volimbikisa?

Nthawe zinyinji vinthu vatulaŵila vuwonesha vamene vili muntima mwasu komasoti vinthu vatuganiza. (Luka 6:45) Tetyo tikoyeja-yeja kuliphunzisa kuti tikoganizila vinthu viweme vamene ni volungama, vituŵa, vachikondi komasoti voyamikilika. (Afilipi 4:8) Kuti vamene ivi vikwanishike, tikosamala posankha vosangalasa komasoti ŵanthu otandala nawo. (Miyambo 13:20) Tingachitesoti luweme kuganizila poyamba tikaliye laŵila. Tikoganizilasoti mwamene volaŵila vasu mwavingakhuzile ŵanthu ayakine. Baibolo yunena kuti: “Pali munthu wamene olaŵila mosaganizila na mawu olasa monga ni chibemba, koma lilimi ya ŵanthu a nzelu yupojeka.”—Miyambo 12:18.

VATI TIPHUNZILE

Tiphunzile nowona vamungachite kuti mukolaŵila vinthu vamene vingakondweleshe Yehova na kulimbikisa ŵanthu ayakine.

4. Mukosamala na vamulaŵila

Tonse tulaŵila vinthu vamene pakapita nthawe tikuzadandaula navo. (Yakobo 3:2) Ŵelengani Agalatiya 5:22, 23, ndipo pavuli pake mukambilane makonsho aŵa:

  • Kansi mufunika kusenga Yehova kuti akuyavyeni kunkhala na minkhalidwe yotyani, na cholinga chakuti mukosamala na vamulaŵila? Kansi minkhalidwe yamene iyi ingakuyavyeni tyani?

Ŵelengani 1 Akorinto 15:33, ndipo pavuli pake mukambilane konsho iyi:

  • Kansi ayanu komasoti vosangalasa vamusankha vingakhuze tyani mwamulaŵilila?

Kansi ni vinthu votyani vingachitishe kuti mukolaŵila luweme komasoti kuti osati mukolaŵila luweme?

Ŵelengani Mlaliki 3:1, 7, ndipo pavuli pake mukambilane konsho iyi:

  • Kansi ni pa nthawe yotyani pamufunika kunkhala chelele olo kuyembekeza poyamba nthawe iweme yakuti mulaŵile?

5. Mukolaŵila vinthu viweme vokhuza ayakine

Kansi tingapewe tyani kulaŵila mawu angakalipishe ayakine? Lolelani VIDIYO, ndipo pavuli pake mukambilane makonsho aŵa.

VIDIYO: Mukolaŵila mawu “Otang’isha” (4:07)

  • Ndaŵa yanji m’bale wa muvidiyo yamene iyi enzefunika kuchinja mwenze laŵilila vokhuza ŵanthu ayakine?

  • Lomba kansi echita tyani kuti achinje?

Ŵelengani Mlaliki 7:16, ndipo pavuli pake mukambilane konsho iyi:

  • Kansi tufunika kukumbukila mfundo yotyani kuti tipewe kulaŵila vinthu viipa vokhuza ayakine?

Ŵelengani Mlaliki 7:21, 22, ndipo pavuli pake mukambilane konsho iyi:

  • Kansi mavesi amene aŵa angakuyavyeni tyani kuti osati mukulumije kupya ntima munthu muyakine akakulaŵililani vinthu viipa vokhuza mwewo?

6. Mukolaŵila luweme na ŵanthu a m’banja mwanu

Yehova ofuna kuti tikolaŵila mwachikondi komasoti mowama ntima na ŵanthu a m’banja yasu. Lolelani VIDIYO, ndipo pavuli pake mukambilane konsho iyi.

VIDIYO: Chikondi na ulemu vuchitisha kuti banja inkhale yokatijana (3:08)

  • Kansi n’chinji chingakuyavyeni kuti mukolaŵijana mowama ntima m’banja yanu?

Ŵelengani Aefeso 4:31, 32, ndipo pavuli pake mukambilane konsho iyi:

  • Kansi tingalaŵile mawu otyani kuli ŵanthu a m’banja yasu kuti akolimvwa kuti tuŵakonda?

Yehova efotokoza mwenzekondela mwana wake, Yesu. Ŵelengani Mateyu 17:5, ndipo pavuli pake mukambilane konsho iyi:

  • Kansi mungakonkheje tyani Yehova polaŵila na ŵanthu a m’banja yanu?

Mukochita chidwi na vakuchita ŵanthu ayakine komasoti mukoŵatembeja

ŴANTHU AYAKINE ONENA KUTI: “Newo nulaŵila vamene vawela m’mutu mwangu. Lomba keno ŵanthu akalipa, ni vawo vamene ivo.”

  • Kansi mwewo muwona tetyo? Ndaŵa yanji mwayankha tetyo?

MFUNDO ZACHIDULE

Vatulaŵila vingakalipishe olo kutang’isha ŵanthu ayakine. Tetyo tufunika kusamala na vatulaŵila, mwatuvilaŵilila, komasoti nthawe yatingalaŵile.

Makonsho oweleja

  • Kansi ni vinthu votyani vamungachite kuti mukotang’isha ayakine na vamulaŵila?

  • Kansi ni vinthu votyani vamufuna kupewa kuti mukovilaŵila?

  • Kansi n’chinji chingatiyavye kuti nthawe zonse tikolaŵila vinthu viweme komasoti votang’isha?

Cholinga

PHUNZILANI VINYINJI

N’chinji chingatiyavye kuti tikolaŵila vinthu vanzelu?

Nkhalani na lilimi ya ŵanthu anzelu (8:04)

Onani chamene chingakuyavyeni kuti osati mukolaŵila mawu aipa.

“Kansi kutukila n’kuipa chendi?” (Nkhani yapa webisaiti)

Onani vamungachite kuti mupewe tonjo.

Kansi ningachite tyani kuti nisilije tonjo? (2:36)

Onani mwamene Yehova mwechiyavyila munthu muyakine wamene enzevutika kuleka kutukila.

“Niyamba kuganizila ngako za moyo wangu” (Nsanja ya Olonda, 1 August, 2013)

SANGALALANI NA MOYO KOSASILA!—KOSI YA MAPHUNZILO A M’BAIBOLO

Kansi mungachite tyani kuti vamulaŵila vikokondwelesha Yehova?

Chinsenga (Mozambique)
Kansi mungachite tyani kuti vamulaŵila vikokondwelesha Yehova?
https://cms-imgp.jw-cdn.org/img/p/1102021251/univ/art/1102021251_univ_sqr_xl.jpg
lff mutu 51
MITUNDU YA MUNGATOLE
Kansi mungachite tyani kuti vamulaŵila vikokondwelesha Yehova?
Mitundu ya mabuku ya pa intaneti yoti mutole Sangalalani na moyo kosasila!—Kosi ya maphunzilo a m’Baibolo