MUTU 1
Mwa uthenga uweme ni chinji?
1. Mwa uthenga wofumila kuli Mulungu ni wotyani?
Mulungu ofuna kuti ŵanthu aotemwa na umi pa chalo. Yove epanga chalo pamozi na vonse vilimo chifukwa chotikonda. Lombapano, alete umi uweme ku ŵanthu wonse. Azefumyepo vonse vutamanisha ŵanthu.—Ŵelengani Yeremiya 29:11.
Pakali pano, paliye boma yakwanisha kufumyapo viipa monga, kupayana kwa ŵanthu, matenda, na imfwa. Koma uthenga uweme niwakuti, lombapano Mulungu afumyepo utongi wa ŵanthu noikapo utongi wake. Ŵanthu ŵake, akaŵe pamtendele na umi uweme.—Ŵelengani Yesaya 25:8; 33:24; Danieli 2:44.
2. Ndaŵa yanji ŵanthu owamila kumvwa kamangu uthenga uweme?
Ndaŵa yakuti tutamana ngako. Kutamana kukasile Mulungu akazafumyapo ŵanthu aipa pachalo. (Zefaniya 2:3) Mwa akaŵafumyepo nthawe yanji? Mau a Mulungu elaŵililatu za vichito vuifya minkhalidwe ya ŵanthu masiku ŵano. Vinthu vuchitika vuwoneshelatu kuti nthawe yakuti Mulungu aweluze ili pafupi.—Ŵelengani 2 Timoteyo 3:1-5.
3. Lomba tuwamila kuchita chinji?
Tuwamila kuphunzila Baibolo. Mulungu otikonda, etipa Baibolo pofuna kutiphunzisa. Ili monga ni kalata yatilembela atata otikonda. Yutiuja mwatingaŵele na umi uweme masiku ŵano, komasoti kunthangu, pano pachalo. Nichendi kuti ŵanthu ayakine angakondwele lini kuti muimvwishe Baibolo. Olo nitetyo osataya shuko ikulu yakuzakuŵa na umi kunthangu.—Ŵelengani Miyambo 29:25; Chivumbulutso 14:6, 7.
Mungakondesoti kuwona izi
ZA SEWO
Ndaŵa yanji mufunikila kuphunzila Baibolo?—Vidiyo yonse
Baibolo yupeleka mayankho a makonsho akulu-akulu pa umi wa ŵanthu anyinji pa chalo chonse. Mungakonde kuŵa m’mozi wa ove?
