Sewo tulambila Yehova osati tyala tikankhala pagulu monga pamisonkhano ya mpingo, ya dela na yachigawo, koma tumulambilasoti paseka komasoti monga banja. Onani viyakine mwa vinthu vamungakatishile ntchito pa kulambila pamweka komasoti monga banja:

• Kukonzekela misonkhano. Mwewo mungaimbe nyimbo komasoti kuyavya aliyense m’banja mwanu kukonzekela kuti akakwanishe kupeleka ndemanga.

• Kuŵelenga nkhani iyakine ya m’Baibolo. Pavuli poŵelenga mwewo mungadolowing’e vinthu vamwaŵelenga olo kulemba mfundo ziyakine zamwaphunzila.

• Kuphunzila vokhuza pemphelo iyakine ililembewe m’Baibolo, pavuli pake nowona vamungachite kuti mapemphelo ŵanu akonkhala aweme.

• Kulolela vidiyo iyakine ya gulu yasu nokambilana na ayakine za vidiyo yamene iyo, olo kulemba mfundo ziyakine zamwaphunzila.

• Kukonzekela makambilano achidule a muutumiki wakumunda komasoti kuyeselela.

• Kulolesha na kuganizila zachilengedwe komasoti kukambilana vatingaphunzilepo vokhuza Yehova. a