Ŵelengani Genesis 25:29-34 kuti muziŵe kuti epanga vosankha mwanzelu niŵani pakati pa Yakobo na Esau.

Phunzilani vinyinji vokhuza nkhani yamene iyi. Kansi vinthu venzetyani akaliyepanga vosankha? (Gen. 25:20–28) Kansi vinthu vinkhala tyani pavuli pake?—Gen. 27:1–46.

Fufuzani kuti muziŵe vinyinji. Kansi panthawe yamene iyo mwana woyamba enze na gawo yanji, ndipo enze na udindo wochita tyani?—Gen. 18:18, 19; Nsanja ya Olonda 1/05/2010 pedji 13.

• Kansi mwanalume enzefunikila kunkhala woyamba kuvyalika kuti ankhale mu nzela wa amakolo a Mesiya? (Nsanja ya Olonda 12/2017 pedji 14-15)

Ganizilani vamuphunzilapo na mwamungavikatishile ntchito. Kansi ndaŵa yanji Yakobo enzewona kuti udindo wonkhala woyamba kuvyalika ni wofunika ngako kupambana mwenzechitila Esau? (Ahe. 12:16, 17; Nsanja ya Olonda 15/10/2003 pedji 28-29) Kansi Yehova enzeŵawona tyani Yakobo na Esau, ndipo ndaŵa yanji? (Mal. 1:2, 3) Kansi Esau enzefunika kuchita tyani kuti asankhe vinthu mwazelu?

• Likonsheni kuti, ‘Kansi ningawoneshe tyani kuti kulambila Yehova n’chinthu chofunika ngako pamoyo wangu mwakukatishila ntchito luweme nthawe yangu wiki iliyonse nonkhazikisha pulogilamu ya kulambila kwa pabanja?’