Ŵelengani Genesis 37:23-28; 39:17-23 kuti muziŵe vechichita Yosefe kuti akwanishe kupilila vinthu viliye chilungamo.

Ganizilani nkhani yonse. Kansi n’chinji chechitisha kuti Yosefe akumane na vinthu viliye chilungamo? (Gen. 37:3-11; 39:1, 6-10) Kansi Yosefe enzefunika kupilila vinthu viliye chilungamo kwa nthawe itali tyani? (Gen. 37:2; 41:46) Panthawe yonse yamene iyi, kansi Yehova emuchitila vinthu votyani Yosefe, koma aliyemuchitile vinthu votyani?—Gen. 39:2, 21; Nsanja ya Mulonda 01/2023 pedji 17 ndim. 13.

Phunzilani vinyinji. Baibolo yunenalini kuti Yosefe echitapo kanthu kuti aliteteze ku vinthu vawenye vechimuyopejela mwanakazi wa Potifara. Kansi Malemba aŵa okonkhapo otiyavya tyani kuziŵa chifukwa chake Yosefe aliyelaŵilepo kalikonse olo kuziŵa chifukwa chake sewo tufunika kupewa kuyembekezela kuti tiziŵe nkhani yonse yokhuza yove ? (Miy. 20:2; Yoh. 21:25; Mach. 21:37) Kansi ni minkhalidwe yotyani yamene imuyavya Yosefe kuti akwanishe kupilila vinthu viliye chilungamo?—Mik. 7:7; Luk. 14:11; Yako. 1:2, 3.

Kansi tuphunzilapo chinji? Likonsheni kuti:

• ‘Kansi ni vinthu votyani viliye chilungamo vaningayembekezele kukumana navo monga wophunzila wa Yesu?’ (Luk. 21:12, 16, 17; Ahe. 10:33, 34.)

• ‘Kansi tingachite chinji palipano kuti tizakwanishe kulimbana na vinthu viliye chilungamo kusogolo?’ (Sal. 62:7, 8; 105:17-19; Nsanja ya Olonda 07/2019 pedji 2–7.)