Kansi mungafufuze tyani?
“Vinthu vam’chilengedwe vechingonkhalako veka.” Elaŵila tetyo akaswili ayakine asayansi —Stephen Hawking na Leonard Mlodinow, mu 2010.
“Mulungu elenga kululu na chalo.” —Baibolo yulaŵila tetyo pa Genesis 1:1.
Kansi chilengedwe chamene ichi komasoti vamoyo vechitalengewa na Mulungu, olo vechingonkhalako veka? Mawu ali palulu ŵa akaswili aŵili asayansi komasoti mawu oyambilila am’Baibolo, owonesha kuti konsho yamene iyi ili na mayankho aŵili osiyana ngako. Yankho iliyonse ili na ŵanthu amene oiikila kuvuli. Koma lomba, ŵanthu anyinji oziŵalini vakufunika kukhulupilila. Ŵanthu anyinji ankhala opeleka maganizo osiyana-siyana kupitila m’mabuku otchuka komasoti munkhani zapa TV.
Mwina aticha ŵanu ekusimikijilamponi kale kuti vinthu vonse vam’chilengedwe vechingonkhalako veka ndipo paliye evilenga. Koma kansi aticha ŵanu amene awo epeleka chendi umboni wakuti kuliye Nyamalenga? Komasoti mwina mwemvwapo kale asogoleli achipembezo olaŵila kuti kuli Nyamalenga, koma kansi epeleka umboni wa venzelaŵila? Olo echingokuujani kuti mukokhulupilila chifukwa chakuti niye vakuphunzisa?
N’vosakaikisha kuti mwelikonshapo kale konsho yamene iyi, ndipo payakine mwewona kuti paliye anganene mosimikija kuti kuli Nyamalenga. Vingachitike kuti mwenkhalasoti na konsho iyakine yakuti: Kansi kufwana yankho yake n’kofunika chendi?
Magazini ino ya Ukani! ifotokoze vachitisha ŵanthu anyinji kuyamba kukhulupilila kuti kuli Nyamalenga. Ifotokozesoti chifukwa chake tufunika kufwana yankho yakonsho yakuti, kansi moyo wiyamba tyani pano pachalo?
Mungakondesoti kuwona izi
KUYANKHA MAKONSHO AM’BAIBOLO
Kansi Mulungu ekatishila ntchito chisinthiko kuti alenge vinthu vamoyo vamitundu yosiyana-siyana?
M’Baibolo paliye powonesha kuti yushusha vakunena asayansi vakuti ponkhala kuchinja kwa vinthu pa moyo wa vinyama viyakine.
ZA SEWO
Sengani kuti muzatandajiwe na wa Mboni za Yehova
Sengani kuti muzatandajiwe nokambilana mfundo za m’Baibolo na wa Mboni za Yehova, olo yesani pulogilamu yasu yophunzila Baibolo kwamahala.
