1. Pali Buku yamene mawu ŵake,

Otipa ntendele na Chimwemwe.

Mfundo zake zili na mphamvu ngako;

Zutiyavya kukonda Yehova.

Ŵanthu elemba mawu a Mulungu.

Eujiliwa na mzimu wake,

Ove enzekonda Yehova M’lungu,

Mzimu wake wiŵayavya ngako.

2. Elemba zachilengedwe cha M’lungu,

Na mwechilengela vinthu vonse.

Elemba soti za paladaiso

Komasoti mwechizasilila.

Elemba za mngelo muipa ngako

Wamene enyoza M’lungu wasu.

Vileta mavuto pano pachalo,

Koma M’lungu wasu apambane.

 3. Masiku ŵano se tusangalala,

Ufumu wa Mulungu wayamba.

Tilalikile uthenga uweme

Kwa onse okonda M’lungu wasu.

M’buku yake muli vosangalasa;

Chakulya cha mwana alilenji.

Yutipa ntendele ukulu ngako;

Tufunikila kuiŵelenga.