•  Mau Oyambilila 2

•  Cuma Cupezeka m’Mau a Mulungu 3-5

  •  Nkhani 3

  •  Kufufuza Cuma Cauzimu 4

  •  Kuŵelenga Baibo 5

•  Kuyangizhyila Luso Yasu mu Utumiki 6-14

  •  Kuyambisha Makambisilano 7

  •  Ulwendo Wowelelako 8

  •  Kupanga Ophunzila 9

  •  Fotokozani Zamukhulupilila 10

  •  Nkhani 11

  •  Colinga 12

  •  Zakufunika Kucita Wophunzila 13

  •  Kuseŵenzesha Mavidyo na Zofalisa 14

•  Umoyo Wacikhristu 15-16

  •  Phunzilo ya Baibo ya Mpingo 16

•  Mau Osilizhyila 17

•  Kuyamikila Ophunzila Noŵapasa Malangizo 18

•  Kusunga Nthawi 19

•  Kuyendela kwa Woyanganila Dela 20

•  Wiki ya Msonkhano wa Wadela olo Wacigao 21

•  Wiki ya Cikumbuso 22

•  Woyanganila Msonkhano wa Umoyo na Utumiki 23

•  Cheyamani wa Msonkhano wa Umoyo na Utumiki 24

•  Mlangizi Wothandiza 25

•  Makilasi Atontho Atontho 26

•  Mavidyo 27

1. 1. Malangizo ali mu fomu ino akoyavya ŵala apasiwa nkhani pa Msonkhano wa Umoyo na Utumiki Wasu. Ofunika kukamba nkhani zao molingana na malangizo ali mu Kabuku ka Misonkhano ya Umoyo Wacikhristu na Utumiki Wasu, koma soti molingana na malangizo ali mu fomu ino. Ofalisa onse ali na mwai wotolamo mbali m’nkhani za ophunzila. Ayakine amene osonkhana nase angatolemo mbali ngati ovomelezhya ziphunziso za m’Baibo, nokonkha mfundo zacikhristu pa umoyo wao. Woyanganila msonkhano wa umoyo na utumiki ofunika kukambilana na aliyense wamene ni wofalisa lini, zokhuza ziyeneleso zakufunika kukwanilisha ngati ali na cifuno cakuti akotolako mbali kukambako nkhani za ophunzila. Ngati okwanilisha ziyeneleso muuzhyeni. Mufunika kukambilana naye izi ali pamozi na omuphunzisa Baibo (olo ali pamozi na kolo yake yamene ni Mboni). Ziyeneleso izi zulingana na zakufunika kukwanilisha munthu kuti ayenelele kunkhala wofalisa wosabatizika.—od mutu 8 ndime  8.

1. 2. 1. Mineti. Sondo iliyonse pavuli pa nyimbo na pemphelo, cheyamani wa Msonkhano wa Umoyo na Utumiki akokulisha cidwi ca omvwishila pa msonkhano wa siku yamene iyo. Cheyamani ofunika kufotokoza tyala mfundo zingapindulishe ngako mpingo.

1.  3. Nkhani: 10 minesi. Mu Kabuku ka Misonkhano ya Umoyo na Utumiki munkhala mutu na mfundo ziŵili olo zitatu zacidule. Ofunika kukamba nkhani iyi ni mkulu olo mtumiki wothandiza woyenelela. Ngati tuyamba buku iyakine ya m’Baibo pa ndandanda yoŵelenga Baibo ya wiki iliyonse, pakonkhala vidyo yofotokoza mfundo za m’buku yamene iyo. Wokamba nkhani angagwilizanise mfundo za m’nkhani yake na zafotokozewa muvidyo. Koma ofunika lini kuluŵa kufotokoza mfundo zili m’kabuku ka misonkhano. Ngati nthawi yulola, ofunika soti kufotokoza vithunzithunzi vili m’kabuku ka misonkhano, vamene vepangiwa kuti vimvwikishe mfundo zuphunziliwa. Angayangizhyilepo soti mfundo zawafufuza m’zofalisa ziyakine malinga ngati zukatizhyana na nkhani yake.

2.  4. Kufufuza Cuma Cauzimu: 10 minesi. Iyi ni nkhani ya makonsho na mayankho, ndipo yufunika lini kunkhala na mau oyambilila olo osilizhyila. Yufunika kupasiwa kuli mkulu olo mtumiki wothandiza woyenelela. Wolaŵila nkhani iyi ofunika kukonsha omvwishila makonsho onse. Koma soti, angaone ngati angaŵelenge mavesi ali pa konsho kapena yai. Ŵala oyankha ofunika kupeleka ndemanga zao m’masekondi 30 olo yatontho.

3.  5. Kuŵelenga Baibo: 4 minesi. Nkhani iyi yufunika kupasiwa kuli mkwasu. Wophunzila ofunika kuŵelenga mbali yawapasiwa ndipo ofunika lini kulaŵila mau oyambilila olo osilizhyila. Cheyamani wa msonkhano ofunika kunkhala na cidwi cothandiza ophunzila kuŵelenga molondola, momvwika bwino na mosadodoma, kusindika mfundo nopumula moyenelela, kucinjacinja mau na kuŵelenga mwacibadwa. Nthawi ziyakine, mavesi ofunika kuŵelengewa onkhala anyinji, koma nthawi ziyakine onkhala atontho. Tetyo, woyanganila Misonkhano ya Umoyo na Utumiki ofunika kuganizila luso ya wophunzila aliyense pogaŵila nkhani izi.

1. 6. 15 minesi. Mbali iyi ya msonkhano yepangiwa na colinga cothandiza ofalisa kuyeselela zaangakambe mu utumiki noyangizhyila luso yao yokambilana na ŵanthu koma soti yolalikila nophunzisa. Wophunzila aliyense ofunika kuseŵenzesha mfundo ili m’kabuku ka Citani Khama olo ili mu kabulosha kukuti Kondani Wanthu Pangani Ophunzila yamene yupezeka mumabulaketi kosilizhyila kwa mbali yamwapasiwa m’Kabuku ka Misonkhano ya Umoyo na Utumiki. Nthawi ziyakine, pakonkhala nkhani yokambilana. Nkhani zoteti zufunika kupasiwa kuli akulu olo atumiki othandiza oyenelela.—Onani  ndime 15 kuti muziŵe mwamungakambile nkhani zoteti.

2.  7. Kuyambisha Makambisilano: Nkhani iyi ingapasiwe kwa mkwasu olo kalongosi. Ngati wapasiwa ni mkwasu wothandiza ofunika soti kunkhala mkwasu. Ngati ni kalongosi wapasiwa wothandiza ofunika soti kunkhala kalongosi kufumyapo ngati ni a m’banja imozi. Ocita cisanzo ici angasankhe kunkhala pa mpando olo kupanama.—Kuti muziŵe zinyinji zokhuza mwamungacitile izi onani ndime  12 na  13.

3.  8. Ulwendo Wowelelako: Cisanzo ici cingapasiwe kuli mkwasu olo kalongosi. Ngati ni mkwasu wapasiwa, wothandiza ofunika kunkhala soti mkwasu; ngati kalongosi ndiye wapasiwa, wothandiza ofunika kunkhala soti kalongosi. (km-CN 5/97 peji 2) Ocita cisanzo ici angasankhe kunkhala pa mpando olo kupanama. Wophunzila ofunika kuonesha mocitila ulwendo wowelelako kuli munthu eonesha cidwi pa ulwendo woyamba.—Kuti muziŵe colinga na mwamungacitile onani ndime  12 na  13.

4.  10. Fotokozani Zamukhulupilila: Ngati ikakambiwe monga nkhani, mbali iyi yufunika kupasiwa kuli mkwasu. Ngati ikakambiwe monga cisanzo, mbali iyi ingapasiwe kuli mkwasu olo kalongosi. Ngati ni mkwasu wapasiwa, wothandiza ofunika kunkhala soti mkwasu; ngati kalongosi ndiye wapasiwa, wothandiza ofunika kunkhala soti kalongosi. Wophunzila ofunika kupeleka yankho yomvwika bwino koma soti mwaluso poyankha konsho mwa kuseŵenzesha mfundo zili mu cofalisa caikiwa pa nkhani yawapasiwa. Wophunzila angasankhe kaya kuseŵenzesha cofalisa pa kukamba mbali yake olo yai.

5.  11. Nkhani: Mbali iyi yufunika kupasiwa kuli mkwasu ndipo ofunika kuikamba monga nkhani ku mpingo. Ngati nkhani yazikiwa pa mfundo ya zakosilizhyila A mu kabulosha kukuti Kondani Ŵanthu, wophunzila ofunika kuonesha mwatingaseŵenzeshele mavesi amene ao mu utumiki. Mwacisanzo, angafotokoze mwatingaseŵenzeshele vesi yamene iyo, zayutanthauza vesi na mwatingaiseŵenzeshele pokambilana na munthu. Ngati nkhani yazikiwa pa mutu uli mu kabulosha kakuti Kondani Ŵanthu, wophunzila ofunika kufotokoza mwatingaseŵenzeshele mfundo yamene iyo mu utumiki. Angafotokoze cisanzo cupezeka pa mfundo  1 m’mutu wamene uyo olo kufotokoza mavesi ali m’mutu wamene uyo, ngati ni poyenelela.

6.    12. Colinga: Mfundo zili mu ndime ino na yokonkhapo zuseŵenzeshewa pambali ya “Kuyambisha Makambisilano” na pa mbali ya “Ulwendo Wowelelako”. Kupatulapo tyala ngati colinga ca wophunzila ni kukambilana cendi cosavuta ca m’Baibo, camene ni coyenelela ku munthu wakukamba naye nopanga maziko ya ulwendo wowelelako kuti akapitilizhye makambisilano. Wophunzila ofunika kusankha nkhani yamene ni ya pa nthawi yake yamene yufwika ŵanthu pamtima. Angasankhe kuseŵenzesha olo kusaseŵenzesha cofalisa Catuseŵenzesha Pophunzisa Ŵanthu olo vidyo. M’malo moseŵenzesha ulaliki wocitoloŵeza pamtima, wophunzila ofunika kuyesayesa kukulisha luso yoyambisha makambisilano, kuonesha cidwi na kulaŵila mwacibadwa.

7.    13. Zakufunika Kucita Wophunzila: Wophunzila ofunika kucita cisanzo ici mokatizhyana na mwazilili zinthu koma soti kulingana na mbali yawapasiwa. Mwacisanzo:

   1. (1) Ulaliki wa Ng’anda na Ng’anda: Mbali iyi yuyangizhyilapo kulalikila ng’anda na ng’anda—kaya ni mwacindji, kupitila pa foni olo wa makalata—nocita ulwendo wowelelako poseŵenzesha mfundo zemwekambilana na munthu pa ulwendo wapita pemwezocita ulaliki wa ng’anda na ng’anda.

   2. (2) Ulaliki Wamwamwai: Mbali iyi yuyangizhyilapo kuseŵenzesha mwai ulionse watingapeze nocinja makambilano kuti ticitile umboni. Payakine mungakambilane Lemba na ŵanthu ŵamuseŵenza nao, ayanu a kusukulu, aneba ŵanu, ngati muli m’motoka olo kulikonse pamugwila nchito za siku na siku.

   3. (3) Ulaliki Wapatuŵa: Mbali iyi ingayangizhyilepo kucita ulaliki wa tumashelufu, kucita ulaliki kumalo a malonda, ulaliki wa mu mseu, ulaliki wa m’mapaki, olo kulikonse kwangapezeke ŵanthu.

8.  14. Kuseŵenzesha Mavidyo na Zofalisa: Kulingana na mwazilili zinthu, wophunzila angasankhe kuseŵenzesha vidyo olo cofalisa. Ngati nkhani yawapasiwa wophunzila ili na vidyo olo ngati wophunzila wasankha kuseŵenzesha vidyo, ofunika kukamba mau oonesha kuti ofuna kuionesha ndipo akambilane koma asaioneshe.

1. 15. Nyimbo ikaimbiwa, ponkhala nkhani imozi olo ziŵili kwa maminesi 15. Colinga ca nkhani izi ni kuyavya omvwishila kuseŵenzesha Mau a Mulungu pa umoyo wao. Nkhani izi zingapasiwe kuli akulu olo atumiki othandiza oyenelela kufumyapo ngati pali malangizo acindunji. Koma nkhani ya zosoŵa za pampingo yufunika kupasiwa tyala kuli akulu. Ngati ni nkhani yolaŵizhyana, wolaŵila nkhani angakonshe makonsho yangapange yeka kuyangizhyilapo na makonsho alipo kale. Mau oyamba ofunika kunkhala acidule. Kucita izi kuyavya kuti ankhale na nthawi yokwanila yofotokoza mfundo zikuluzikulu nakuti omvwishila atolemo mbali mokwanila. Ngati nkhani yufuna kuti mukonshe wofalisa, zingankhale bwino kuti akopanama kusogolo kupulatifomu pakuyankha makonsho m’malo monkhala pa mpando m’gulu.

2.  16. Phunzilo ya Baibo ya Mpingo: 30 minesi. Mbali iyi yufunika kupasiwa kuli mkulu woyenelela. (M’mipingo mwamene muli akulu atontho, atumiki othandiza oyenelela angaseŵenzeshewe.) Bungwe ya akulu ndiye yufunika kusankha oyenelela kusogoza Phunzilo ya Baibo ya Mpingo. Ŵala apasiwa udindo uyu ofunika kusogoza phunzilo iyi mwaluso ndipo ofunika kusunga nthawi. Ofunika kugogomezela malemba amene ali na mfundo zikulu-zikulu, ndipo ofunika kuyavya aliyense kuti apindule na phunzilo. Akwasu amene apasiwa udindo uyu angapeze mfundo zothandiza mwa kuŵelenga malangizo okhuza mosogozela mbali ya makonsho na mayankho. (w23.04 peji. 24, bokosi) Ngati mfundo zonse zafotokozewa momvwika luweme, paliye cifukwa copitilizhyila kulaŵizhyana mfundo ziyakine. Ngati n’zokwanishika, akwasu osiyanasiyana amene ni oyenelela angaseŵenzeshewe kusogoza phunzilo noŵelenga ndime sondo iliyonse. Ngati cheyamani wa Msonkhano wa Umoyo na Utumiki waona kuti ni poyenela kuti phunzilo isogozewe mwacidule, wosogoza angasankhe mwaangasogozele phunzilo iyi mwacidule. Angasankhe kuti ndime ziyakine zisaŵelengewe.

1. 17. 3 minesi. Cheyamani wa Msonkhano wa Umoyo na Utumiki ofunika kuwelezhya mfundo zothandiza zaphunziliwa nofotokoza mwacidule zati zikaphunziliwe sondo ikuza. Ngati nthawi yulola, angatomole mazina ya ŵala ati akalaŵile nkhani za ophunzila. Cheyamani wa msonkhano angaseŵenzeshe nthawi iyi kupeleka zilengezo olo kuŵelenga makalata ku mpingo, kufumyapo ngati pali malangizo ayakine acindunji. Zilengezo ziyakine, monga makonzedwe a ulaliki na kuyelesa pa Ng’anda ya Ufumu, zufunika lini kulengezewa pa pulatifomu koma zikoikiwa pa bodi ya zilengezo. Ngati angakwanishe lini kupeleka zilengezo olo kuŵelenga makalata m’maminesi atatu, cheyamani ofunika kusenga akwasu ali na mbali pa Umoyo Wacikhristu kufupikishako nkhani zao. (Onani ndime 16 na 19.) Msonkhano ufunika kusila na nyimbo na pemphelo.

1. 18. Wophunzila aliyense akasilizhya kukamba nkhani yake, cheyamani wa Msonkhano wa Umoyo na Utumiki aseŵenzeshe mineti imozi kuyamikila wophunzila nomupasa malangizo oyenelela poseŵenzesha phunzilo yakuseŵenzelapo. Poita wophunzila aliyense kuti alaŵile nkhani yake, cheyamani ofunika lini kutomola phunzilo yakuseŵenzelapo wophunzila. Koma wophunzila akasilizhya kulaŵila nkhani yake, cheyamani ofunika kumuyamikila mofumila pansi pa mtima. Pavuli pake, atomole phunzilo yakuseŵenzelapo wophunzila, koma soti cifukwa cake wacita luweme pa phunzilo yamene iyo. Olo angafotokoze mwacikondi cifukwa cake ofunika kuseŵenzelapo soti pa phunzilo yamene iyo. Cheyamani angakambepo pa mbali ziyakine za cisanzo ngati oona kuti zingapindulishe wophunzila olo mpingo wonse. Wophunzila angapasiwe malangizo ayakine othandiza kucokela m’kabulosha kakuti Kondani Ŵanthu, m’kabuku ka Citani Khama olo m’buku ya Sukulu ya Utumiki pavuli pa misonkhano olo pa nthawi iyakine, kaya ni pa phunzilo yakuseŵenzelapo olo pa phunzilo iyakine.—Kuti muziŵe malangizo ayakine okhuza cheyamani wa Msonkhano wa Umoyo na Utumiki na mlangizi wothandiza onani ndime  19,  24, na  25.

1. 19. Wolaŵila nkhani aliyense koma soti cheyamani wa Msonkhano wa Umoyo na Utumiki ofunika lini kulya nthawi. Olo kuti Kabuku ka Umoyo na Utumiki Wacikhristu konkhalilatu na nthawi yoikika pambali iliyonse, izi zutanthauza lini kuti mufunika kukakamizhyika kuti mpaka mukwanishe maminesi ya nkhani yanu, makamaka ngati mfundo zonse za nkhani zamvwika. Ngati ayakine alya nthawi, ofunika kupasiwa uphungu wa kumbali na cheyamani wa Msonkhano wa Umoyo na Utumiki olo mlangizi wothandiza. (Onani ndime 24 na 25.) Pulogilamu yonse, kuyangizhyilapo nyimbo na mapemphelo, yufunika kutola awala imozi na 45 minesi.

1. 20. Ngati woyanganila dela oyendela mpingo, msonkhano ufunika kucitika mokatizhyana na mwazilili nkhani m’Kabuku ka Misonkhano ya Umoyo na Utumiki. Koma pofunika lini kunkhala Phunzilo ya Baibo ya Mpingo. M’malo mwa Phunzilo ya Baibo ya Mpingo, pakonkhala nkhani ya utumiki ya woyanganila dela ya 30 minesi. Ikaliyoyamba nkhani ya utumiki ya woyanganila dela, cheyamani wa Msonkhano wa Umoyo na Utumiki ofunika kuwelezhya mfundo zaphunziliwa nofotokoza mwacidule zati zikaphunziliwe sondo ikuza. Angapeleke zilengezo zoyenelela noŵelenga makalata oyenelela, ndipo pavuli pake ofunika kuita woyanganila dela kuti alaŵile nkhani yake. Akasilizhya kukamba nkhani ya utumiki, woyanganila dela ofunika kusilizhya msonkhano na nyimbo yawasankha. Angaite mkwasu muyakine kuti apeleke pemphelo yosilizhyila. Pa wiki yamene woyanganila dela ocezela mpingo wanu, mufunika lini kunkhala na makilasi atontho-atontho. Ngati mpingo wanu uli na kagulu, kagulu aka kangacite misonkhano pakeka mu wiki yamene iyo. Koma kagulu aka kofunika kujoina mpingo wonse pa nkhani ya utumiki ya woyanganila dela.

1. 21. Mu wiki ya msonkhano wadela olo wacigao, pofunika lini kucitika misonkhano ya pampingo. Mpingo ufunika kukumbushiwa kuti nkhani za mu wiki iyi zufunika kuphunziliwa na munthu aliyense payeka olo pa kulambila kwa pabanja.

1. 22. Ngati Cikumbuso cacitika mkati mwa wiki, ponkhala lini Msonkhano wa Umoyo na Utumiki.

1. 23. Bungwe ya akulu yufunika kusankha mkulu m’mozi kuti ankhale woyanganila Msonkhano wa Umoyo na Utumiki. Udindo wake ni kusimikizhyila kuti msonkhano uyu ucitika mwadongosolo koma soti mokatizhyana na malangizo apelekewa. Ofunika kucita zinthu mokatizhyana na mlangizi wothandiza. Akangolandila Kabuku ka Misonkhano ya Umoyo na Utumiki, woyanganila Msonkhano wa Umoyo na Utumiki ofunika kugaŵila nkhani zonse za misonkhano ya mkati mwa wiki za miyezi yonse iŵili. Ofunika kusankha macheyamani kucokela pali ŵala evomelezhyewa na bungwe ya akulu, kugaŵila nkhani zonse zukambiwa na akulu na atumiki othandiza oyenelela na nkhani za ophunzila. (Onani ndime 3-16 na 24.) Pogaŵila nkhani wophunzila, ofunika kuganizila vyaka va wophunzila, luso yake koma soti ngati ali na ufulu wokamba pa nkhani yawapasiwa. Ofunika kucita cimozimozi na pogaŵila mbali ziyakine za msonkhano. Ophunzila ofunika kupasiwa nkhani zao kukali masondo atatu poseŵenzesha kafomu kopasilapo nkhani kakuti Nkhani ya pa Msonkhano wa Umoyo Wacikhristu na Utumiki Wasu (S-89). Woyanganila Msonkhano wa Umoyo na Utumiki ofunika kusimikizhyila kuti ndandanda ya nkhani zonse yaikiwa pa bodi ya zilengezo. Bungwe ya akulu ingasankhe mkulu muyakine olo mtumiki wothandiza kuti akomuyavya. Koma ni akulu tyala amene ofunika kugaŵila nkhani zukambiwa na akulu na atumiki othandiza oyenelela.

1. 24. Sondo iliyonse, mkulu m’mozi akonkhala cheyamani pa Msonkhano wa Umoyo na Utumiki kufumila poyambilila mpaka posilizhyila pa msonkhano. (M’mipingo mwamene muli akulu atontho, atumiki othandiza oyenelela angaseŵenzeshewe.) Udindo wa cheyamani ni kukonzekela mau oyambilila na osilizhyila a msonkhano. Yove ndiye oita wolaŵila nkhani aliyense. Ndipo kulingana na ciŵelengelo ca akulu alipo, cheyamani angapasiwe nkhani ziyakine, makamaka zala nkhani zufuna tyala kutambisha vidyo cosakambapo mau ayakine oyangizhyilika. Ndemanga za cheyamani zufunika kunkhala zacidule. Bungwe ya akulu ndiye yufunika kusankha akulu oyenelela kunkhala macheyamani. Akulu oyenelela onkhala macheyamani mocinjanacinjana sondo iliyonse. Kulingana na mwazilili zinthu pa mpingo, woyanganila Msonkhano wa Umoyo na Utumiki angoseŵenzeshewa kunkhala cheyamani nthawi zinyinji mosiyana na akulu ayakine oyenelela. Ngati mkulu ni woyenelela kusogoza Phunzilo ya Baibo ya Mpingo, ndiye kuti ni woyenelela kunkhala cheyamani wa msonkhano. Kumbukilani kuti mkulu wamene ni cheyamani wa msonkhano ofunika kuyamikila nopeleka malangizo mwacikondi kuli ŵala akamba nkhani za ophunzila. Cheyamani ali soti na udindo wosimikizhyila kuti msonkhano wasila pa nthawi yake. (Onani ndime 17 na 19.) Ngati pa pulatifomu pali malo okwanila, ndipo ngati cheyamani ofuna, angapaname pa maikolofoni yaikiwa kumbali iyakine ya pulatifomu pakuita wolaŵila nkhani aliyense. Cheyamani pakucita tetyo, wolaŵila nkhani ofunika kupanama pa maikolofoni ili pa sitandi yolaŵililapo nkhani. Koma soti, cheyamani angankhale pa mpando uli pa pulatifomu pa nkhani ya kuŵelenga Baibo koma soti pa mbali yakuti Kuyangizhyila Luso Yasu mu Utumiki. Kucita izi kuyavya kuti nthawi isungike.

1. 25. Ngati n’zokwanishika, mungacite luweme kupasa udindo uyu kuli mkulu wamene ali na luso yokamba bwino nkhani. Udindo wa mlangizi wothandiza ni kupeleka malangizo a pambali kwa akulu na atumiki othandiza, ngati m’pofunikila. Angaŵapase malangizo okhuza nkhani iliyonse yaangalaŵile, kuyangizhyilapo nkhani za pa Msonkhano wa Umoyo na Utumiki, nkhani za ŵanthu onse, na kusogoza olo kuŵelenga pa Phunzilo ya Nsanja ya Mulonda kapena pa Phunzilo ya Baibo ya Mpingo. (Onani ndime 19.) Ngati pa mpingo wanu pali akulu anyinji okamba bwino nkhani nophunzisa, caka ciliconse mungosankha mkulu woyenelela kunkhala mlangizi wothandiza. Mlangizi wothandiza ofunika lini kupeleka malangizo pa nthawi iliyonse yawalaŵila nkhani mkulu olo mtumiki wothandiza.

1. 26. Kulingana na ciŵelengelo ca ophunzila, mipingo ingankhale na makilasi atontho-atontho pa nkhani za ophunzila. Kilasi iliyonse yufunika kunkhala na mlangizi woyenelela, makamaka mkulu. Ngati pali akulu atontho, mtumiki wothandiza woyenelela angapasiwe udindo uyu. Bungwe ya akulu yufunika kusankha mkulu olo mtumiki wothandiza wamene ni woyenelela kutumikila pa udindo uyu. Bungwe ya akulu ingaone ngati pali luweme kunkhala na mlangizi m’mozi wacinkhalile olo kucinjacinja. Mlangizi ofunika kukonkha malangizo ali m’ndime 18. Ngati pali kilasi B, ophunzila ofunika kusengewa kuluta ku kilasi B pavuli pa nkhani yakuti Kufufuza Cuma Cauzimu pa mbali yakuti Cuma Cupezeka m’Mau a Mulungu. Ofunika kufuma m’kilasi B ngati wophunzila wosilizhyila wasilizhya kukamba nkhani yake.

1. 27. Mavidyo ayakine akosankhiwa kuti aoneshewe pa msonkhano uyu. Mavidyo aŵa akopezeka pa JW Library® app ndipo yangacitiwe daunilodi pa zipangizo zosiyanasiyana.

© 2023 Watch Tower Bible and Tract Society of Pennsylvania

S-38-NEN 11/23