Kuyambila caka cino, tikonkhala na nthawi ikulu yokonzekela Cikumbuso ca imfwa ya Khristu. Ngati Cikumbuso cucitika mkati mwa sondo, msonkhano wa Umoyo na Utumiki ukocitika lini. Ngati cacitika pa Ciŵelu kapena pa Sondo, kukonkhala lini nkhani ya onse na Phunzilo ya Nsanja ya Mlonda. Ko muyeseyese kuiseŵenzesha mwanzelu nthawi iyi? Monga ni mwezenzele m’vyaka 100 voyambilila, pali zinthu zinyinji zatufunika kulinganizhya pokonzekela cocitika ici capadela. (Luka 22:7-13; km-CIN 3/15 1) Koma tonse tufunika kukonzekelesha maganizo na mitima yasu. Tingakonzekele tyani?

• Ganizilani ubwino wopezekapo.—1Akor 11:23-26

• Pemphelani noganizila za ushamwali wanu na Yehova.—1Akor 11:27-29; 2Akor 13:5

• Ŵelengani nosinkhasinkha nkhani za m’Malemba zamene zufotokoza tanthauzo ya Cikumbuso.—Yoh 3:16; 15:13

Ofalisa ayakine oŵelenga nosinkhasinkha Malemba a pa nyengo ya Cikumbuso ali m’kabuku ka Kusanthula Malemba Tsiku na Tsiku. Ayakine oŵelenga mavesi a m’Baibolo amene ali pa chati ili m’kabuku kano. Ayakine oŵelenga nkhani za mu Nsanja ya Mlonda, zamene zufotokoza za Cikumbuso na cikondi cawationesha Yehova na Yesu. Njila iliyonse yamungasankhe, lekani kuti ikuyavyeni kuvwendela pafupi ngako na Yehova na Mwana wake.