August 5-11

CUMA CUPEZEKA M’MAU A MULUNGU

1.“Fotokozelani m’Badwo Wokonkhapo” Zokhuza Mphamvu za Mulungu

(10 min.)

Yehova eteteza Davide peenze wacilumbwana (Sal 71:5; w99-CN 9/1 peji 18 ndime 17)

Davide eona kuti Yehova enzomucilikiza peenze wacikulile (Sal 71:9; g04-CN 10/8 peji 23 ndime 3)

Davide elimbikisha acilumbwana mwa kuŵafotokozela zinthu zemucitikila (Sal 71:17, 18; w14-CIN 1/15 peji 23 ndime 4-5)

ZIKONSHENI KUTI, ‘Kansi ni mkwasu olo kalongosi wotyani mu mpingo mwasu, wamene watumikila Yehova kwa nthawi itali waningakonde kumukonsha makonsho Pakulambila kwa Pabanja?’

2. Kufufuza Cuma Cauzimu

(10 min.)

Sal 72:8—Kansi lonjezo yamene Yehova elonjeza Abulahamu yopezeka pa Genesis 15:18, yekwanilishiwa tyani mu ulamulilo wa Mfumu Solomo? (it-1-E peji 768)

Yankho yanu
Pa kuŵelenga Baibo kwa sondo ino, ni mfundo zotyani zamwapeza zamungakonde kuuzhyako ayakine?

Yankho yanu

3. Kuŵelenga Baibo

(4 min.) Sal 71:1-24 (th phunzilo 5)

KUYANGIZHYILA LUSO YASU MU UTUMIKI

4. Kuyambisha Makambisilano

(3 min.) ULALIKI WA NG’ANDA NA NG’ANDA. Ngati munthu wayamba kukangana namwe, silizhyanani makambisilano mwaulemu. (lmd phunzilo 4 mfundo 5)

5. Ulwendo Wowelelako

(4 min.) ULALIKI WAMWAMWAI. Pitilizhyani makambisilano na wacibululu wamene ooneka kuti owayawaya kuphunzila Baibo. (lmd phunzilo 8 mfundo 4)

6. Fotokozani Zamukhulupilila

(5 min.) Nkhani. ijwfq 49—Mutu: Ndaŵa Yanji a Mboni za Yehova Ecinja Zinthu Ziyakine Zenzokhulupilila? (th phunzilo 17)

UMOYO WACIKHRISTU

7. Zamungacite pa Kulambila kwa Pabanja

(15 min.) Nkhani yolaŵizhyana.

Nthawi ya Kulambila kwa Pabanja ni yofunika ngako cifukwa yuyavya ŵana kuphunzila “malangizo a Yehova na kaganizidwe kake.” (Aef 6:4) Kuphunzila kufuna khama, koma kungankhale kosangalasa makamaka ngati ŵana okulisha cifuno cao cofuna kuphunzila cendi ca m’Baibo. (Yoh 6:27; 1Pet 2:2) Onani Bokosi yakuti “ Zamungacite pa Kulambila kwa Pabanja” yamene ingayavye makolo kunkhala na Kulambila kwa Pabanja kwa tanthauzo koma soti kosangalasa. Ndipo pavuli pake laŵizhyanani makonsho aŵa:

Pa mfundo zili mu kabokosi, ni mfundo zotyani zamungakonde kuyoyesako?

Yankho yanu
Kansi mwaonako mfundo iliyonse yamene ingankhale yopindulisha?

Yankho yanu

ZAMUNGACITE PA KULAMBILA KWA PABANJA

BAIBO:

Mvwishilani ku Baibo yolekodewa m’macapita yamene yali pakuŵelengewa Baibo kwa sondo yamene iyo olo mukoŵelenga cokuwa mocinjanacinjana. Aliyense ofunika kunkhala na mbali yoŵelenga kulingana na ŵanthu ali m’nkhani yamene iyo
Konzekelani makonsho yozikiwa pa kuŵelenga Baibo kwa sondo yamene iyo. Aliyense asankhe konsho nakuyofufuza yankho yake. Pavuli pake mungalaŵizhyane zamwaphunzilapo
Pangani konsho olo fotokozani cocitika ndipo pavuli pake fufuzani mfundo za m’Baibo mu kabuku ka m’Chichewa kakuti, Malemba Otithandiza pa Umoyo wa Chikhristu
Yeselelani cocitika ca m’Baibo
Pangani makhadi ya mavesi a m’Baibo osiyanasiyana wiki iliyonse, monga ni mavesi opezeka ku zakosilizhyila A mu kabulosha kakuti Kondani Ŵanthu—Pangani Ophunzila, ndipo pavuli pake mukoyesa kukumbukila vesi yamene iyo. Mukopitamo soti m’makhadi yemwepanga wiki yasila
Phunzilani cigao mu buku ya Sangalalani na Moyo Kosasila!
Sankhani ayakine m’banja kuti afotokoze lipoti pa imozi mwa nkhani zamene zupezeka pa mbali yakuti, “Makonsho pa Mayankho a m’Baibo” olo “Zokuyavyani Pophunzila Baibo” pa pambali yakuti “ZAYUPHUNZISA BAIBO” pa jw.org

MISONKHANO:

Mukokonzekela misonkhano
Mukokonzekela ndemanga noyeseza. Mukosunga nthawi
Mukokonzekela nyimbo za Ufumu
Mukolaŵizhyana nokonzekela zati mukalaŵile polimbikisha munthu muyakine misonkhano ikaliyoyamba olo ikasila
Ngati muyakine m’banja akankhale na cisanzo pa misonkhano ya mkati mwa wiki mukoyeselela mwati akacitile

MU UTUMIKI:

Mukokonzekela ulaliki wa ng’anda na ng’anda
Mukokonzekela ulwendo wowelelako
Mukoganizila kuti mucita ulaliki wa mwamwai ndipo mukoyeselela mwamungayambishile makambisilano mwaubwenzi
Laŵizhyanani zolinga zamungaziikile kuti mukocita zinyinji panyengo ya Cikumbuso, pa nthawi yakuti mukuya lini ku nchito olo kusukulu

ZOSOŴA ZA BANJA:

Mukoyeselela mwamungacitile ngati mungakumane na cocitika monga kusatolamo mbali m’ndale, kuvutishiwa, cibwenzi olo kukondwelela maholide
Mukonkhala na mbali yoyeselela kuti makolo ankhala ŵana ndipo ŵana ankhala makolo. Ŵana ofufuza mbali iyakine ndipo pavuli pake ofotokozela makolo

ZIYAKINE ZAMUNGACITE:

Mukoonelela nolaŵizhyana pulogilamu ya JW Broadcasting^®
Mukoŵelenga nkhani olo kuonelela vidyo pa jw.org, nolaŵizhyana
Laŵizhyanani nkhani zakuti “Acilumbwana” olo “Ŵana” zamene zupezeka pa mbali yakuti “ZAYUPHUNZISA BAIBO” pa jw.org
Onani manosi yemwelemba pa msonkhano wa cigao olo wadela
Loleshani olo fufuzani nkhani ziyakine za m’cilengedwe ndipo pavuli pake laŵizhayanani zatuphunzilapo zokhuza Yehova
Nthawi ziyakine mukoitako munthu muyakine pakulambila kwanu kwa pabanja ndipo mukomukonsha makonsho
Mukoziikila zolinga zauzimu nokambilana mwamungazikwanilishile
Ngati mufuna kupanga cinthu ciyakine coyeselela monga mapu olo chati, mukoseŵenzela pamozi

Onelelani VIDYO Yakuti Pitilizhyani Kukulisha Luso Yanu pa Kulambila kwa Pabanja. Pavuli pake konshani omvwishila konsho iyi:

Kansi munalume angacite tyani kuti mkazi wake akosangalala na kulambila kwa pabanja ngati aliye ŵana?

Yankho yanu

8. Phunzilo ya Baibo ya Mpingo

(30 min.) bt-CN mutu 13 ndime 17-24

Mau Osilizhyila (3 min.) | Nyimbo 123 na Pemphelo

KABUKU KA MISONKHANO YA UMOYO NA UTUMIKI

Ndandanda ya Msonkhano wa Umoyo na Utumiki ya August 5-11, 2024

Cinsenga

Ndandanda ya Msonkhano wa Umoyo na Utumiki ya August 5-11, 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 July mapeji 10-16

Mboni za Yehova

August 5-11

MASALIMO 70-72

Nyimbo 59 na Pemphelo | Mau Oyambilila (1 min.)

CUMA CUPEZEKA M’MAU A MULUNGU