July 29–August 4
SALIMO 69
Nyimbo 13 na Pemphelo | Mau Oyambilila (1 min.)
1. Mwamene Salimo 69 Yeloselela Zinthu Zecitika mu Umoyo wa Yesu
(10 min.)
Yesu ezondewa paliye cifukwa (Sal 69:4; Yoh 15:24, 25; w11-CN 8/15 peji 11 ndime 17)
Yesu enze wa cangu pakulambila kwacendi (Sal 69:9; Yoh 2:13-17; w10-CN 12/15 peji 8 ndime 7-8)
Yesu ecimvwa ululu pa cimuti conzunzikilapo ndipo epasiwa vinyu woyavyikizhya na ndulu (Sal 69:20, 21; Mat 27:34; Luka 22:44; Yoh 19:34; g95-E-10/22 peji 31 ndime 4; it-2-E peji 650)
KONSHO YOFUNIKA KUSINKHASINKHA: Ndaŵa yanji Yehova eikamo maulosi okhuza Mesiya m’Malemba aciheberi?
2. Kufufuza Cuma Cauzimu
(10 min.)
-
Sal 69:30, 31—Kansi mavesi aŵa angatiyavye tyani kuongolela mapemphelo ŵasu? (w99-CN 1/15 peji 18 ndime 11)
-
Pa kuŵelenga Baibo kwa sondo ino, ni mfundo zotyani zamwapeza zamungakonde kuuzhyako ayakine?
3. Kuŵelenga Baibo
(4 min.) Sal 69:1-25 (th phunzilo 2)
4. Mukonkhala Oleza Mtima—Zecicita Yesu
(7 min.) Nkhani yolaŵizhyana. Oneshani VIDYO, ndipo pavuli pake laŵizhyanani kufumila mu kabulosha ka lmd phunzilo 8 mfundo 1-2.
5. Mukonkhala Oleza Mtima—Tolelani Cisanzo ca Yesu
(8 min.) Nkhani yolaŵizhyana yozikiwa mu kabulosha ka lmd phunzilo 8 mfundo 3-5 na “Onani Soti.”
Nyimbo 134
6. Zosoŵa za Pampingo
(5 min.)
7. Mfundo Zoyavya Pocita Kulambila kwa Pabanja
(10 min.) Nkhani yolaŵizhyana.
Mu January 2009, Phunzilo ya Buku ya Mpingo yepamikizhyiwa na misonkhano ya mkati mwa sondo. Izi zepeleka mpata ku mabanja kuti akonkhala na kulambila kwa pabanja siku imozi mu wiki. Mabanja anyinji oyamikila kuti makonzedwe aya yamene yepangiwa yaŵayavya kuvwendela pafupi na Yehova na mabanja yao.—Deut 6:6, 7.
Kansi ni mfundo ziyakine zotyani zingayavye mitu ya mabanja kunkhala na kulambila kwa pabanja kwatanthauzo?
-
Mukocita kulambila kwa pabanja nthawi zonse. Ngati nzokwanishika, mungaikiletu nthawi yocita kulambila kwa pabanja wiki iliyonse. Mukonkhala okonzeka kucinja ngati pawela zinthu zosayembekezeleka
-
Mukokonzekela. Mukokambilana na mkazi wanu ndipo nthawi ziyakine mungakonsheko soti ŵana ŵanu kuti akambepo maganizo ŵao. Kukonzekela kungankhale kosavuta makamaka ngati banja yusangalala kucita zamene izi wiki iliyonse
-
Kulambila kwa pabanja kukokatizhyana na zosoŵa za banja yanu. Ngati ŵana okula, zakufunikila zucinja. Pulogilamu iyi yufunika kuyavya aliyense m’banja kupita pasogolo mwauzimu
-
Mukoonesha cikondi ndipo aliyense ofunika kunkhala womasuka. Nthawi ziyakine, mungasankhe kucitila panja kulambila kwa pabanja ngati nyengo ili bwino. Mungocitako kabuleki. Ngati muona kuti pali luweme kukambilana mwacindunji mavuto ya m’banja, mufunika kupewa kupeleka uphungu olo kukalipila ŵana ŵanu pa nthawi yakulambila kwa pabanja
-
Mukocita zinthu zosiyanasiyana. Mwacisanzo, mungakonzekele misonkhano, kutamba nolaŵizhyana mavidyo ya pa jw.org, noyeselela zati mukalaŵile mu ulaliki. Olo kuti kulaŵizhyana ndiye mbali ikulu pa Kulambila kwa Pabanja, aliyense ofunika soti kunkhala na nthawi yocita phunzilo ya payeka
Laŵizhyanani konsho iyi:
-
Kansi ncinji camwacita kuti muyeseko kukonkha mfundo izi pakulambila kwanu kwa pabanja?
8. Phunzilo ya Baibo ya Mpingo
(30 min.) bt-CN mutu 13 ndime 8-16, bokosi pa peji 105
