KUYANGIZHYILA LUSO YANU MU UTUMIKI WAKUMUNDA
Kunola Luso Yasu mu Utumiki—Konzekelani Visanzo va Ulaliki va Magazini m’Malizu Ŵanu-ŵanu
CIFUKWA CAKE N’KOFUNIKA: Nangu kuti visanzo va ulaliki vamene vupezeka m’kabuku ka msonkhano vutipa njila ziweme zoyaŵilila magazini, ivi ni voonelapo tyala. Muwamila kukonzekela m’malizu ŵanu-ŵanu. Mungaseŵenzeshe njila iyakine olo mungaseŵenzeshe nkhani iyakine yamene ili m’magazini yamuona kuti ingakope cidwi ca ŵanthu a m’gawo yanu. Keno mufuna kucita zamene izi, pavuli pakuti mwaŵelenga magazini, mwaŵelenga visanzo va ulaliki nipo mwaonelela mavidyo a visanzo va ulaliki, mungaseŵenzeshe njila zili pansi kuti mukonzekele cisanzo canu-canu ca ulaliki.
MWAMUNGACITILE:
Zikonsheni kuti, ‘Ko nufuna kuseŵenzesha cimo mwa visanzo va ulaliki?’
EEE
-
Konzekelani malizu ŵanu oyambilila. Pavuli pakuti mwamupasa moni mwineco wa ng’anda, laŵilani kamangu camwawelela pa ng’anda pake. (Mwacisanzo: “Nawela kuti . . . ”)
-
Konzekelani zamungalaŵile mukakonsha konsho, mukaŵelenga lembo koma soti mukayaŵila cofalisa. (Mwacisanzo: Kuti muŵelenge lembo mungalaŵile kuti, “Yankho yokhutilisha pa konsho iyi tingaipeze pa lembo iyi.”)
YAI
-
Sankhani nkhani ili m’magazini yamuona kuti ingakope cidwi ca ŵanthu a m’gawo yanu
-
Sankhani konsho yokopa cidwi yamungalaŵizhyane na mwineco wa ng’anda koma osati konsho yamene ingamumvwishe nsoni. (Mwacisanzo: Makonsho opezeka pa peji 2 ya magazini.)
-
Sankhani lembo yati mukaŵelenge. (Keno muyaŵila magazini ya Galamukani! mungasankhe kuŵelenga lembo olo kusaŵelenga, pofwana kuti magazini iyi yulembewela ŵanthu oziŵa zinthu zitontho zokhuza Baibolo amene okaikila soti cipembezo.)
-
Konzekelani mfundo yati mukafotokozele mwineco wa ng’anda yoonesha mwaangapindulile akayoŵelenga nkhani yamene iyo
M’NJILA ILIYONSE
-
Konzekelani konsho yati mukayankhe pa ulwendo wowelelako
-
Lembani manosi kuti akuyavyeni kukumbukila zamufuna kuyolaŵila
