Pa March 23, ŵanthu 12 miliyoni olo kupitililapo oyembekezeleka kupezeka pa Cikumbukilo n’nga alwendo ŵasu. Kulaŵila cendi, akapindule na nkhani yati ikalaŵiliwe yokhuza mphaso ya Yehova ya dipo na madaliso ayakine yati akalondele ŵanthu kusogolo. (Yes 11:6-9; 35:5, 6; 65:21-23; Yoh 3:16) Ŵanthu ati akawele pa cocitika capadela camene ici akapindule lini tyala na nkhani yati ikalaŵiliwe, koma akapindule soti na mwati tikaŵalondelele. (Aro 15:7) Tingacite zamene izi mwa njila izi.

• M’malo monkhala pansi noyembekezela tyala kuti pulogilamu iyambe, yesa-yesani kulondela alwendo pamo na ŵala ofooka mwacimwemwe

• Pamulondela ŵanthu ŵemweitila, muwamila soti kuika nzelu kuli ŵanthu eitiwa na ayakine pa kampeni. Sengani awela lomba kuti munkhale nao pamo, noseŵenzeshela nao pamo Baibolo na buku yanu ya nyimbo

• Pavuli pa nkhani, nkhalani okonzeka kuyankha makonsho yao. Keno nthawi ni itontho cifukwa cakuti mpingo uyakine ufuna kuti useŵenzeshe Ng’anda ya Ufumu, pangani makonzelo yakuti mukam’tandalile pakaliyopita masiku anyinji. Keno muziŵa lini kwakunkhala olo muliye namba yake ya foni, mungalaŵile kuti: “Ningatemwe kuti tizeonane soti kuti nizamvwe malingililo ŵanu pa pulogilamu ya lelo. Kansi pali njila iliyonse yatingalaŵizhyilane?”