Zecitikila Aisiraeli m’cigwa ca Mowabu, ni cisanzo cocenjeza Akhristu masiku ŵano. (1Akor 10:6, 8, 11) Aisiraeli amene enzokatizhyana na anakazi acimowabu, amene enzocita ciwelewele nolambila mafano, ecita cimo ikulu ngako. Kucita izi kwenkhala na zofumapo ziipa ngako. (Num 25:9) Nase tunkhala na ŵanthu amene olambila lini Yehova. Angankhale ŵanthu ŵatuseŵenza nao, ayasu a kusukulu, maneba, abululu ŵasu na ayasu ayakine. Kansi nkhani iyi ya m’Baibo, yutiphunzisanji zokhuza kuipa kokatizhyana na ŵanthu oteti?

ONELELANI VIDYO YA MUTU WAKUTI VISANZO VOTICENJEZA MASIKU ŴANO—KAMBALI KATONTHO, NDIPO PAVULI PAKE YANKHANI MAKONSHO AYA:

• Ni maganizo olakwika otyani amene Zimiri na ayakine enzouzhya Yamini?

• Kansi Pinihasi eyavya tyani Yamini kunkhala na maganizo oyenelela?

• Kansi pali kusiyana kotyani pakati pa kunkhala waubwenzi kuli munthu wosakhulupilila na kunkhala shamwali wake?

• Ndaŵa yanji tufunika kunkhala osamala posankha ashamwali ŵasu olo mumpingo?

• Ndaŵa yanji tufunika kupewa kutandala na ŵanthu ŵatisaziŵa pa malo otandalila a pa intaneti?