Kora, Datani na Abiramu eonesha kusakhulupilika kwa Yehova mwa kupandukila makonzedwe ŵake. Yehova eononga apandu onse, kuyangizhyilapo na enzoŵacilikiza. (Num 16:26, 27, 31-33) Kansi ni zocitika zotyani zingayese kukhulupilika kwasu kwa Yehova? Ni visanzo va m’Baibo votyani vingatiyavye kupewa kutolela ŵanthu osakhulupilika?

ONELELANI VIDYO YA MUTU WAKUTI PEWANI KUTOLELA ŴANTHU OSAKHULUPILIKA, NDIPO PAVULI PAKE YANKHANI MAKONSHO AYA:

• Kansi ni cocitika cotyani ceyesa Kalongosi Nadia, ndipo ni cisanzo ciipa cotyani cemuyavya kupewa kunkhala wosakhulupilika?

• Kansi ni cocitika cotyani ceyesa mkwasu wamene enze ekhumudwa, ndipo ni cisanzo ciipa cotyani cemuyavya kupewa kunkhala wosakhulupilika?

• Kansi ni cocitika cotyani ceyesa Mkwasu Terrance, ndipo ni cisanzo ciipa cotyani cemuyavya kupewa kunkhala wosakhulupilika?

• Kansi ni cocitika cotyani ceyesa mkwasu muyakine kusukulu, ndipo ni cisanzo ciipa cotyani cemuyavya kupewa kunkhala wosakhulupilika?