Yehova, “Mulungu wacimwemwe,” ofuna kuti tikosangalala na utumiki. (1Tim 1:11) Cimwemwe casu cingakule ngati tuyangizhyila maluso ŵasu mu utumiki. Kukonsha makonsho kukulisha cidwi ca munthu ndipo ni njila yabwino yoyambishilamo makambilano. Makonsho oyavya ŵanthu kuganiza. (Mat 22:41-45) Kukonsha makonsho nomvwishila, kuli monga ni kuuzhya munthu kuti, ‘Niwe wofunika ngako kuli neo.’ (Yak 1:19) Mayankho yaangapeleke munthu yangatiyavye kuziŵa nkhani yatingakambilane naye.

ONELELANI VIDYO YA MUTU WAKUTI PEZANI CIMWEMWE PA NCHITO YOPANGA OPHUNZILA​—KULISHANI LUSO YANU—​KUKONSHA MAKONSHO NDIPO PAVULI PAKE KAMBILANANI MAKONSHO AYA:

• Kansi Jade eonesha minkhalidwe iweme yotyani?

• Kansi Neeta eseŵenzesha tyani makonsho pofuna kuonesha cidwi?

• Kansi Neeta eseŵenzesha tyani makonsho pofuna kukulisha cidwi ca Jade?

• Kansi Neeta eseŵenzesha tyani makonsho poyavya Jade kuganiza?