April 1-7
MASALIMO 23-25
Nyimbo 4 na Pemphelo | Mau Oyambilila (1 min.)
1. “Yehova ni m’Ciŵeta Wangu”
(10 min.)
Yehova otisogolela (Sal 23:1-3; w11-CN 5/1 peji 31 ndime 3)
Yehova otiteteza (Sal 23:4; w11-CN 5/1 peji 31 ndime 4)
Yehova otilyesha (Sal 23:5; w11-CN 5/1 peji 31 ndime 5)
Yehova osamalila atumiki ŵake monga ni mwamene m’ciŵeta wacikondi osamalilila mbelele zake.
ZIKONSHENI KUTI, ‘Kansi Yehova onisamalila tyani neo paneka?’
2. Kufufuza Cuma Cauzimu
(10 min.)
Sal 23:3—Kansi “tunjila twa cilungamo ni cinji,” ndipo ni cinji cingatiyavye kuti tisacokemo m’tunjila utu? (w11-CN 2/15 peji 24 ndime 1-3)
Pa kuŵelenga Baibo kwa sondo ino, ni mfundo zotyani zamwapeza zamungakonde kuuzhyako ayakine?
3. Kuŵelenga Baibo
(4 min.) Sal 23:1–24:10 (th phunzilo 5)
4. Kuyambisha Makambisilano
(3 min.) ULALIKI WAMWAMWAI. Ŵelengelani lemba yolimbi- kisha munthu wamene wakuuzhyani kuti ocita nkhaŵa na zinthu zamene zucitika m’calo. (lmd mutu 2 mfundo 5)
5. Ulwendo Wowelelako
(4 min.) ULALIKI WA NG’ANDA NA NG’ANDA. Yambishani phunzilo ya Baibo ku munthu wamene walandila kabulosha ka Sangalalani na Moyo Kosasila! (lmd mutu 9 mfundo 3)
6. Kupanga Ophunzila
(5 min.) lff mutu 14 mfundo 4 (lmd mutu 11 mfundo 3)
Nyimbo 54
7. “Tikokana Mau ya Alwendo”
(15 min.) Nkhani yolaŵizhyana.
Mbelele zenezene zuziŵa mau ya mciŵeta wao ndipo zumukonkha. Koma zuthaŵa mlwendo wamene mau ŵake zuŵaziŵa lini. (Yoh 10:5) Molingana na izi, tumvwila mau ya aciŵeta ŵasu acikondi koma soti odalilika amene ni Yehova na Yesu. (Sal 23:1; Yoh 10:11) Koma tukana mau ya alwendo amene oyesa kufookesha cikhulupililo casu mwa kukamba “mau acilwendo.”—2Pet 2:1, 3.
Genesis capita 3 yufotokoza nthawi yoyamba peyemvwika mau ya mlwendo pacalo. Satana elaŵila na Eva kupitila mwa njoka na colinga cakuti Eva asaziŵe kuti olaŵila na ŵani kwenekwene. Ezipanga monga ni shamwali wake ndipo ekamba zawenye zokhuza mau a Yehova na colinga cake. N’zomvwisha cisoni kuti Eva emvwishila, zamene zeleta mavuto anyinji kuli yove na banja yake.
Masiku ŵano, Satana oyesa kutipangisha kukaikila Yehova na gulu yake mwa kufalisa nkhani zawenye. Tikamvwa mau ya alwendo tufunika kuthaŵa. Kungomvwishilako olo patontho ku nkhani za alwendo, nikoyofwa. Kansi Satana eseŵenzesha mau angani ponyengelela Eva pa makambilano yenze nayo? (Gen 3:1, 4, 5) Nanga tyani ngati munthu watuziŵa, wamene otikonda, wamene angaoneke monga ali na zolinga zabwino ofuna kutiuzhya nkhani ziipa zokhuza gulu ya Yehova?
Oneshani VIDYO Mukokana “Mau ya Alwendo.” Pavuli pake konshani omvwishila konsho iyi:
Kansi taphunzilapo cinji tikaona mwamene Jade wacitila zinthu na amai ŵake osakhulupilila, penzofuna kumuuzhya nkhani zawenye zokhuza gulu yasu?
8. Phunzilo ya Baibo ya Mpingo
(30 min.) bt-CN mutu. 8 ndime 1-4, mabokosi pa peji. 61-62
