March 17-23
MIYAMBO 5
Nyimbo 122 na Pemphelo | Mau Oyambilila (1 min.)
1. Pewani Ciwelewele
(10 min.)
Ciwelewele ni msampha ukulu ngako (Miy 5:3; w00-CN 7/15 peji 29 ndime 1)
Zofumapo zocita ciwelewele ni cisoni na kuziimba mlandu (Miy 5:4, 5; w00-CN 7/15 peji 29 ndime 2)
Mukopewa kucita ciwelewele (Miy 5:8; w00-CN 7/15 peji 29 ndime 5)
Kalongosi wacikhristu okana kupasa mlumbwana namba yake ya foni
2. Kufufuza Cuma Cauzimu
(10 min.)
-
Miy 5:9—Kansi munthu opeleka tyani “ulemu wake kuli ayakine” ngati wacita ciwelewele? (w00-CN 7/15 peji 29 ndime 7)
-
Kansi mwepeza mfundo zotyani pa kuŵelenga Baibo kwa sondo ino?
3. Kuŵelenga Baibo
(4 min.) Miy 5:1-23 (th phunzilo 5)
4. Kuyambisha Makambisilano
(3 min.) ULALIKI WA PATUŴA. Itilani munthu wamene ali lini m’cipembezo ca Cikhristu ku Cikumbuso noseŵenzesha jw.org kuti mupeze malo kwati kukacitikile Cikumbuso kufupi na kwao. (lmd phunzilo 6 mfundo 4)
5. Ulwendo Wowelelako
(4 min.) ULALIKI WA NG’ANDA NA NG’ANDA. Pa ulwendo wapita munthu elandila kapepa koitila ŵanthu ku Cikumbuso ndipo eonesha cidwi. (lmd phunzilo 9 mfundo 5)
6. Kupanga Ophunzila
(5 min.) lff phunzilo 16 mfundo zacidule, kuwelezhya mfundo zikulu-zikulu na zamungacite. Wophunzila Baibo akakukonshani ngati Yesu enze wokwatila, muonesheni mwaangafufuzile yankho. (lmd phunzilo 11 mfundo 4)
Nyimbo 121
7. Zamungacite Kuti Mupitilizhye Kunkhala Atuŵa Pamuli pa Cibwenzi
(15 min.) Nkhani yolaŵizhyana.
Cibwenzi cutanthauza “kutandala m’njila iliyonse na munthu wamene mwakopeka naye ndipo naye wakopeka namwe. Munalume na munakazi amene ali pa cibwenzi ocitila zinthu pamozi nooneshana cikondi.” Angacite izi pa gulu olo kwaŵeka, angaziŵishe ayakine kuti ali pa cibwenzi olo yai, ndipo angotandala mwacindunji olo mwa kulembelana ma meseji. Tuona lini cibwenzi mopepuka, koma ni nthawi pamene ŵanthu aŵili oziŵana bwino na colinga cakuti akakwatilane. Kansi ni mfundo zotyani zamene zingayavye acilumbwana olo acikulile kupewa kucita ciwelewele paali pa cibwenzi?—Miy 22:3.
Oneshani VIDYO Yakuti Kukonzekela Ukwati—Mbali 1: Kansi N’ne Wokonzeka Kunkhala pa Cibwenzi?—Kambali kake. Pavuli pake konshani omvwishila makonsho aŵa:
-
Ndaŵa yanji munthu ofunika lini kunkhala pa cibwenzi ngati akaliyokonzekela kuloŵa m’banja? (Miy 13:12; Luka 14:28-30)
-
Kansi n’cinji cakucitishani cidwi na mwamene makolo eyavyila mwana wao?
Ŵelengani Miyambo 28:26. Pavuli pake konshani omvwishila makonsho aŵa:
-
Kansi ŵanthu amene ali pa cibwenzi ofunika kucita cinji kuti apewe ciwelewele?
-
Ndaŵa yanji ŵanthu amene ali pa cibwenzi ofunika kulaŵizhyana zinthu zakufunika kucita olo kupewa, pa nkhani yooneshana cikondi monga kukatana manja na kukising’ana?
Ŵelengani Aefeso 5:3, 4. Pavuli pake konshani omvwishila kuti:
-
Kansi ŵanthu amene ali pa cibwenzi ofunika kukumbukila cinji ngati olaŵizhyana pa foni olo pa intaneti?
8. Phunzilo ya Baibo ya Mpingo
(30 min.) bt-CN mutu 24 ndime 1-6
