May 6-12
MASALIMO 36-37
Nyimbo 87 na Pemphelo | Mau Oyambilila (1 min.)
1. “Musakhumudwe Cifukwa ca Ŵanthu Aipa”
(10 min.)
Ŵanthu aipa ocitisha kuti tikovutika (Sal 36:1-4; w17.04-CIN peji 10 ndime 4)
Ngati tunkhala okhumudwa cifukwa ca “ŵanthu aipa” tuziononga seka (Sal 37:1, 7, 8; w22.06 peji 10 ndime 10)
Kukhulupilila malonjezo a Yehova kutipasa mtendele (Sal 37:10, 11; w03-CN 12/1 peji 13 ndime 20)
ZIKONSHENI KUTI, ‘Kansi nuika ngako maganizo pa nkhani zaciwawa zamene zulaŵiliwa pa nyuzi?’
2. Kufufuza Cuma Cauzimu
(10 min.)
-
Sal 36:6—Kansi cuoneka kuti wamasalimo etanthauzanji pecikamba kuti cilungamo ca Yehova “cili monga ni malupili akulu-akulu”? (it-2-E peji 445)
-
Pa kuŵelenga Baibo kwa sondo ino, ni mfundo zotyani zamwapeza zamungakonde kuuzhyako ayakine?
3. Kuŵelenga Baibo
(4 min.) Sal 37:1-26 (th phunzilo 10)
4. Kuyambisha Makambisilano
(3 min.) ULALIKI WA NG’ANDA NA NG’ANDA. (lmd phunzilo 1 mfundo 5)
5. Ulwendo Wowelelako
(4 min.) ULALIKI WAMWAMWAI. Yambani kuphunzila Baibo na munthu wamene enze ekana kuphunzila kuvuli. (lmd phunzilo 9 mfundo 4)
6. Nkhani
(5 min.) ijwbv 45—Mutu: Kansi Salimo 37:4 Yutanthauzanji? (th phunzilo 13)
Nyimbo 33
7. Kansi Mwakonzekela “Masoka a Cilengedwe”?
(15 min.) Nkhani yolaŵizhyana.
Akwasu na azilongosi pacalo conse, ovutika cifukwa ca masoka acilengedwe na masoka ocitishiwa na ŵanthu. (Sal 9:9, 10) Nzomvwisha cisoni kuti “nthawi zovuta” zingacitike nthawi iliyonse koma soti ku munthu aliyense. Tetyo, tufunika kunkhala okonzeka kukumana na mavuto.
Kuyangizhyila pa kukonzekela mwamuŵili, a kansi n’cinji cingatiyavye kupilila kukacitika soka?
-
Konzekelani mwamaganizo: Mukokumbukila kuti masoka angacitike noganizililatu zamungayocita. Mukopewa kuganizila ngako pa katundu wamuli nao. Izi zikakuyavyeni kucita zinthu mwanzelu mwa kupulumusa moyo wanu na wa ayakine m’malo moyesayesa kuteteza katundu. (Gen 19:16; Sal 36:9) Zikakuyavyeni soti pavuli pakuti soka yacitika na kusataya ngako mtima ngati katundu wanu waonongeka.—Sal 37:19
-
Konzekelani mwauzimu: Tang’ishani cidalilo canu cakuti Yehova ali na mphamvu ndipo ni wofunishisha kukusamalilani. (Sal 37:18) Soka ikaliyocitika, nthawi zonse mukokumbukila kuti Yehova akasogolele nocilikiza atumiki ŵake olo kuti ‘angapulumuke aliye kalikonse.’—Yer 45:5; Sal 37:23, 24
Ngati tukhulupilila kuti Yehova akakwanilishe malonjezo ŵake, ndiye kuti tumuona kuti ni “malo acitetezo ca mphamvu pa nthawi ya mavuto.”—Sal 37:39.
Oneshani VIDYO Yakuti Kansi Mungakonzekele Tyani Masoka a Cilengedwe? Pavuli pake konshani omvwishila makonsho aŵa:
-
Kansi Yehova otiyavya tyani pakacitika soka yacilengedwe?
-
Kansi tingakonzekele tyani masoka acilengedwe?
-
Kansi tingayavye tyani ŵala amene akhuziwa na masoka acilengedwe?
8. Phunzilo ya Baibo ya Mpingo
(30 min.) bt-CN mutu. 9 ndime 8-16
