UMOYO WACIKHILISITU
Zinthu Zatuwamila Kupewa Posogoza Phunzilo ya Baibolo
Kulaŵilapo Ngako: Musaganize kuti muwamila kufotokoza ciliconse. Yesu enzoseŵenzesha makonsho pofuna kuyavya ŵanthu kuganiza nofwika pa mfundo. (Mat 17:24-27) Kukonsha makonsho kucitisha kuti phunzilo inkhale yokondwelesha nipo izi zingakuyavyeni kuti muziŵe zakukhulupilila wophunzila wanu. (be-CN peji 253 ndime 3-4) Mukakonsha konsho, nkhalani oleza mtima nipo yembekezelani kuti wophunzila ayankhe. Keno wophunzila wapeleka yankho isali yamene, m’malo momuuzhya yankho, mukonsheni konsho yamene ingamuyavye kupeza yankho yoyenelela. (be-CN peji 238 ndime 1-2) Mukophunzila pa mlingo wakuti wophunzila wanu akomvwisha mfundo.—be-CN peji 230 ndime 4.
Kufotokoza Zinthu Zovuta Kumvwisha: Pewani msampha wofuna kufotokoza zinthu zonse zamuziŵa pa nkhani yamene iyo. (Yoh 16:12) Ikani malingililo ŵanu pa mfundo ikulu ya mu ndime. (be-CN peji 226 ndime 4-5) Kufotokoza zinthu zinyinji, nangu zinthu zamene ni zokondwelesha, kungacitishe kuti wophunzila asaone mfundo zofunika. (be-CN peji 235 ndime 3) Wophunzila akamvwisha mfundo ikulu, lutani pa ndime yokonkhapo
Kufuna Tyala Kusilizhya Buku: Colinga casu ni kufwika pa mtima wophunzila osati kusilizhya tyala buku. (Lu 24:32) Seŵenzeshani mphamvu ya Malizu a Mulungu mwa kugogomeza malembo ofunika ngako m’mutu ulionse. (2Akor 10:4; Aheb 4:12; be-CN peji 144 ndime 1-3) Seŵenzeshani mafanizo yosavuta kumvwa. (be-CN peji 245 ndime 2-4) Ganizilani mavuto na zikhulupililo za wophunzila wanu nipo seŵenzeshani mfundo za mu phunzilo kuti mumuyavye. Konshani makonsho monga aya: “Kansi mukumvwa tyani na zinthu zamuphunzila?” “Kansi izi zutiphunzisa cinji ponena za Yehova?” “Ko muona kuti mungapindule tyani poseŵenzesha mfundo zamene izi?”—be-CN peji 238 ndime 3-5; peji 259 ndime 1