Keno mwana niye watilondela, tuwamila kumuuzhya kuti tufuna kulaŵila na makolo ŵake. Izi zuonesha kuti tulemekeza makonzedwe a umutu wa banja. (Miy 6:20) Keno mwana watiuzhya kuti tiloŵe mu ng’anda, tuwamila kukana. Keno makolo ŵake paliye, tingaweleleko pa nthawi iyakine.

Keno mwana ni mkulu, payakine ali na vyaka va pakati pa 13 na 19, pangankhale mphela luweme kumuuzhya kuti tufuna kulaŵila na makolo ŵake. Keno makolo ŵake paliye, tingamukonshe keno makolo ŵake omulola kusankha yeka mabuku yaangaŵelenge. Keno omulola, tingamuyaŵile zofalisa na kumuonesha webusaiti ya jw.org.

Keno tupanga ulwendo wowelelako kuli mlumbwana wamene eonesha cidwi, tuwamila kusenga kuti tionane na makolo ŵake. Izi zingatiyavye kuti tiŵafotokozele colinga colutila pa ng’anda yao noŵaonesha mfundo zodalilika zokhuza mabanja zopezeka m’Baibolo. (Sal 119:86, 138) Keno tuonesha kuti tulemekeza makolo, tingankhale na shuko yolalikila banja yonse.—1Pet 2:12.