CUMA COPEZEKA M’MALIZU A MULUNGU | SALIMO 119
‘Yendani m’Cilamulo ca Yehova’
Kuyenda m’cilamulo ca Yehova kutanthauza kugonjela mofunishisha malangizo yofumila kwa Mulungu. Tili na visanzo vinyinji viweme m’Baibolo va ŵanthu amene enzoyenda m’cilamulo ca Yehova nomudalila, monga wamasalimo.
Kuti tinkhale na cimwemwe cene-cene, tuwamila kuyenda m’cilamulo ca Mulungu
119:1-8
Yoswa eonesha kuti enzodalila malangizo a Yehova. Enzoziŵa kuti enzowamila kudalila Yehova na mtima wake wonse kuti ankhale wacimwemwe koma soti wopambana pa umoyo wake
Malizu a Mulungu otipasa mphamvu kuti tikwanishe kupilila mayeselo yatukumana nao
119:33-40
Yeremiya eonesha kutang’a mtima nodalila Yehova nangu kuti ekumana na mavuto. Enkhala na umoyo wosafuna zinyinji nopitilizhya na utumiki wake
Kuziŵa luweme Malizu a Mulungu kutipasa cidalilo cakuti tingakwanishe kulalikila
119:41-48
Mtumwi Paulo enzocita lini wowa kulalikila uthenga wa Mulungu ku munthu aliyense. Edalila thandizo ya Yehova kuti alalikile motang’a mtima kwa Kazembe Felike
Kansi ni m’zocitika zotyani paningaoneshe kutang’a mtima polalikila ku ŵanthu ayakine?
-
Ku sukulu
-
Ku nchito
-
M’banja
-
Pa zocitika ziyakine
