Aliyense onkhala wacisoni nthawi ziyakine. Kunkhala wacisoni ni cizindikilo lini cakuti nise ofooka mwauzimu. Yehova naye pa nthawi iyakine ecimvwa cisoni. (Gen 6:5, 6) Koma tyani ngati nthawi zinyinji tukonda kunkhala a cisoni?

Mukopemphela Kwa Yehova Kuti Akuyavyeni. Yehova ocita cidwi ngako na mwatumvwila. Oziŵa tikakondwela olo tikankhala a cisoni. Oziŵa cifukwa cake tuganiza na kumvwa mwanjila yamene iyo. (Sal 7:9b) Koma cofunika ngako n’cakuti, Yehova osamala za seo ndipo otiyavya kupilila cisoni olo kuvutika maganizo.—Sal 34:18.

Mukoteteza maganizo ŵanu. Maganizo aipa angakhuze cimwemwe casu na kulambila kwasu. Pa cifukwa camene ici, tufunika kuteteza mtima wasu wamene ni umunthu wasu wamkati.—Miy 4:23.

ONELELANI VIDYO YA MUTU WAKUTI MWAMENE AKWASU OSANGALALILA NA MTENDELE OLO KUTI OVUTIKA MAGANIZO, NDIPO PAVULI PAKE YANKHANI MAKONSHO AŴA:

• Kansi kalongosi Nikki ecita zinthu zotyani zamene zemuyavya kulimbana na vuto ya maganizo?

  Yankho yanu

• Ndaŵa yanji kalongosi Nikki eona kuti enzofunika cithandizo ca mankhwala?—Mat 9:12

  Yankho yanu

• Kansi kalongosi Nikki eonesha kuti odalila Yehova m’njila zotyani?

  Yankho yanu