October 7-13
MASALIMO 92-95
Nyimbo 84 na Pemphelo | Mau Oyambilila (1 min.)
1. Kutumikila Yehova Ndiye Cinthu Cabwino Ngako Camungacite mu Umoyo Wanu
(10 min.)
Yehova ni woyenelela kulambiliwa (Sal 92:1, 4; w18.04-CIN peji 26 ndime 5)
Oyavya atumiki ŵake kupanga zosankha zanzelu kuti akonkhala osangalala (Sal 92:5; w18.11-CIN peji 20 ndime 8)
Oona onse omutumikila kuti ni amtengo wapatali olo kuti akulukazhya (Sal 92:12-15; w20.01 peji 19 ndime 18)
ZIKONSHENI KUTI, ‘Kansi ni cinji cunilesha kuzitwala kwa Yehova nobatizika?’
2. Kufufuza Cuma Cauzimu
(10 min.)
-
Sal 92:5—Kansi mau aŵa ofotokoza tyani bwino kuzama kwa nzelu za Yehova? (cl-CN peji 176 ndime 18)
-
Pa kuŵelenga Baibo kwa sondo ino, ni mfundo zotyani zamwapeza zamungakonde kuuzhyako ayakine?
3. Kuŵelenga Baibo
(4 min.) Sal 94:1-23 (th phunzilo 5)
4. Kuyambisha Makambisilano
(4 min.) ULALIKI WAMWAMWAI. Polaŵizhyana na munthu, pezani mwai womufotokozela nchito yamucita yophunzisa Baibo. (lmd phunzilo 5 mfundo 3)
5. Ulwendo Wowelelako
(3 min.) ULALIKI WAMWAMWAI. Yambishani phunzilo ya Baibo kwa munthu wa cidwi wamene enze ekana kuvuli. (lmd phunzilo 8 mfundo 4)
6. Kupanga Ophunzila
(5 min.) Laŵizhyanani na phunzilo ya Baibo yamene yupita lini pa sogolo. (lmd phunzilo 12 mfundo 5)
Nyimbo 5
7. Ngati Acilumbwana Ovutika na Nkhaŵa
(15 min.) Nkhani yolaŵizhyana.
Ŵanthu amene otumikila Yehova nao ovutika na nkhaŵa. Mwacisanzo, Davide evutika na nkhaŵa nthawi zinyinji mu umoyo wake. Nao akwasu na azilongosi masiku ŵano ovutika na nkhaŵa. (Sal 13:2; 139:23) Cocitisha nkhaŵa ni cakuti, nao acilumbwana ovutika na nkhaŵa. Nkhaŵa ingapangishe kuti cinkhale covuta kuluta kusukulu nopezeka pa misonkhano. Izi zingacitishe munthu kuyamba kupanikizika maganizo olo kufuna kuzipaya.
Acilumbwana, ngati mwayamba kuvutika na nkhaŵa, mukolaŵizhyana na makolo ŵanu olo munthu muyakine wacikulile. Ndipo mukosenga thandizo kwa Yehova. (Afil 4:6) Yove akuyavyeni. (Sal 94:17-19; Yes 41:10) Tiyeni tione cisanzo ca Steing.
Oneshani VIDYO Yakuti Yehova Onikonda. Pavuli pake konshani omvwishila kuti:
• Kansi ni vesi ya m’Baibo yotyani yeyavya Steing, ndipo ndaŵa yanji?
• Kansi Yehova emusamalila tyani?
Makolo, mukoyavya ŵana ŵanu kulimbana na nkhaŵa mwa kuŵamvwishila moleza mtima, kuŵaonesha cikondi, noŵayavya kutang’isha cidalilo cao pa Yehova. (Tito 2:4; Yak 1:19) Mukodalila Yehova kuti akupaseni mphamvu nokulimbikishani kuti mukwanishe kuyavya ŵana ŵanu.
Nthawi ziyakine tingaziŵe lini ngati muyakine olimbana na nkhaŵa olo tingamvwishe lini mwakumvwila. Koma tingayavye kuti onse mumpingo akozimvwa kuti ni ofunika na okondeka.—Miy 12:25; Aheb 10:24.
8. Phunzilo ya Baibo ya Mpingo
(30 min.) bt-CN mutu 16 ndime 6-9, bokosi pa peji 132
