September 16-22
MASALIMO 85-87
Nyimbo 41 na Pemphelo | Mau Oyambilila (1 min.)
1. Pemphelo Yutiyavya Kupilila
(10 min.)
Sengani Yehova kuti akokuyavyani kunkhala wosangalala (Sal 86:4)
Sengani Yehova kuti akuyavyeni kupitilizhya kunkhala wokhulupilika (Sal 86:11, 12; w12-CN 5/15 peji 25 ndime 10)
Nkhalani na cidalilo cakuti Yehova ayankhe mapemphelo ŵanu (Sal 86:6, 7; w23.05 peji 13 ndime 17-18)
ZIKONSHENI KUTI, ‘Ngati nakumana na mavuto, kansi nupemphela mowelezhyawelezhya? Nanga mapemphelo ŵangu onkhala atali tyani?’—Sal 86:3.
2. Kufufuza Cuma Cauzimu
(10 min.)
-
Sal 86:11—Kansi pemphelo ya Davide yutiuzhyanji pa nkhani yokhuza mtima wa munthu? (it-1-E peji 1058 ndime 5)
-
Pa kuŵelenga Baibo kwa sondo ino, ni mfundo zotyani zamwapeza zamungakonde kuuzhyako ayakine?
3. Kuŵelenga Baibo
(4 min.) Sal 86:1–87:7 (th phunzilo 12)
4. Kuyambisha Makambisilano
(3 min.) ULALIKI WAMWAMWAI. Yambishani phunzilo ya Baibo. (lmd phunzilo 3 mfundo 5)
5. Ulwendo Wowelelako
(4 min.) ULALIKI WAMWAMWAI. Yambishani phunzilo ya Baibo kuli munthu wamene pa makambisilano ya ulwendo wapita, ekamba kuti ocita nkhaŵa na zinthu zecitika lombapano. (lmd phunzilo 7 mfundo 4)
6. Kupanga Ophunzila
(5 min.) lff phunzilo 15 mfundo 5. Laŵizhyanani na wophunzila Baibo wanu makonzedwe yamwapanga yokhuza mwati akaphunzilile sondo yokonkhapo mukayocokapo. (lmd phunzilo 10 mfundo 4)
Nyimbo 83
7. Musafooke
(5 min.) Nkhani yolaŵizhyana.
Oneshani VIDYO. Ndipo pavuli pake konshani omvwishila kuti:
-
Ndaŵa yanji nthawi ziyakine tingafune kuleka kulalikila?
-
Ndaŵa yanji tufunika lini kufooka?
8. Pitilizhyani Kuyambisha Maphunzilo a Baibo
(10 min.) Nkhani yolaŵizhyana.
Kansi mweyambishako phunzilo ya Baibo poseŵenzesha kabulosha ka Sangalalani na Moyo Kosasila!, pa kampeni yapadela mwezi uno? Mosakaikila, mwesangalala ngako. Nao akwasu na azilongosi esangalala ngako. Koma ngati mukaliyoyambishako phunzilo ya Baibo, mungaone monga kuti khama yanu yepita patyala. Kansi mungacitenji ngati mwafooka?
Onelelani VIDYO yakuti “Tuyamikila Ngako Kunkhala Atumiki a Mulungu . . . Mwa Kunkhala Oleza Mtima”—Patulalikila. Ndipo pavuli pake konshani omvwishila kuti:
-
Kansi 2 Akorinto 6:4, 6 yutiyavya tyani kuti osati tikoona utumiki wasu monga tuponya “mcisengu conoka ngako”?
-
Kansi mungacitenji ngati muona kuti khama yanu yofuna kupanga maphunzilo a Baibo yupita patyala?
Kumbukilani kuti cimwemwe casu cudalila lini pa kupaka kwa maphunzilo ya Baibo yatayambisha olo yatusogoza. M’malo mwake, cimwemwe cuwela cifukwa coziŵa kuti Yehova osangalala na khama yatucita. (Luka 10:17-20) Tetyo pitilizhyani kutolamo mbali na mtima wonse mu kampeni iyi ya padela, “poziŵa kuti zonse zamucita m’nchito ya asikulu zilute lini patyala”!—1Akor 15:58.
9. Phunzilo ya Baibo ya Mpingo
(30 min.) bt-CN mutu 15 ndime 13-14, bokosi pa peji 121
