AKALINDE Akalinde alipo na colinga cakuti akuyavyeni. Conde katizhyanani nao mwa kumvwila malangizo yakukupasani yokhuza koika mamotoka, manjinga na mahonda.

DIPATIMENTI YA ZACIPATALA Kumbukilani kuti Dipatimenti ya zacipatala ni ya zinthu zuwela mosayembekezeleka tyala.

DIPATIMENTI YA ZOTAIKA Zinthu zonse zopezeka zuwamila kutwaliwa ku Dipatimenti ya Zotaika. Keno mwataya ciliconse, lutani ku Dipatimenti yamene iyi noŵauzhya vamwataya. Ŵana amene asoŵa kuli makolo ŵao nao owamila kutwaliwa ku Dipatimenti yamene iyi. Tetyo mufunika kusamalila ŵana ŵanu ndipo mukonkhala nao pamozi.

MALO ONKHALA Mukoganizila ayanu. Kumbukilani kuti mungasungile malo onkhala ŵanthu ŵamuyenda nao pamozi, ŵamunkhala nao ng’anda imozi, olo ŵamuphunzila nao Baibo tyala. Tetyo, musaike vinthu pa malo okuzungulilani.

NCHITO YOZIFUNILA Keno mufuna kuyavya nchito pa msonkhano uno, lutani ku Dipatimenti yamene iyi.

UBATIZO Ŵala amene akuya ku ubatizo ankhalile ku mipando ya kusogolo, olo malo ayakine yaangauzhyiwe. Ŵala amene akuya ku ubatizo ofunika kunkhala pa mipando yao nkhani ya ubatizo ikaliyoyamba, yamene ikakambiwe pa siku yaciŵili m’mawa. Aliyense ofunika kuwela na thaulo na covwala caangavwale pobatizika.

ZOPELEKA Poseŵenzeshewa ndalama zinyinji kuti pankhale malo onkhalapo okwanila, zolaŵililako na zinthu ziyakine zoyavya kuti msonkhano uyende luweme na kuti utiyavye kuvwendela pafupi na Yehova. Ndalama zamene izo zufumila pa zopeleka zanu zozifunila ndipo zuyavya soti pa nchito ya pacalo conse. Kuti zisakuvuteni kupanga zopeleka, mabokosi olembewa luweme aikiwa pamalo osiyanasiyana pa msonkhano uno. Mungapange soti zopeleka kupitila pa donate.pr418.com. Tuyamikila ngako pa zopeleka zanu zonse. Bungwe yolamulila yuyamikila ngako pa zopeleka zamupanga popitisha pasogolo nchito ya Ufumu