Mwa n’Cinji Cingayavye Kuti Banja Iŵe Yotemwa?
Kansi mulingilila kuti ni . . .
-
cinthemwa?
-
ndalama?
-
ciyambine ciliconse?
ZAYULAŴILA BAIBOLO
“Otemwa ni ŵala akumvwa malizu ya Mulungu noŵasunga.”—Luka 11:28, Baibulo la Dziko Latsopano.
KUWAMA KOCETEKELA ZAMENE IZI
Mungafwange cinthemwa ngaco-ngaco.—Aefeso 5:28, 29.
Mungaŵe ocinzikana m’banja.—Aefeso 5:33.
Mungaŵe ocinjilizhyika.—Maliko 10:6-9.
KANSI TINGACETEKELE CENDI ZAYULAŴILA BAIBOLO?
Eee, tingazicetekele pa vikomo viŵili:
-
Mulungu niye Eyambisha banja. Baibolo yulaŵila kuti Yehova Mulungu “niye ecitisha kuti banja iliyonse . . . inkhale na zina’’ (Aefeso 3:14, 15) Kulaŵila kuyakine tinganene kuti, mkatizhyano wa banja ulipo cikomo cakuti Yehova niye eiyambisha. Kansi izi zutanthauzanji?
Lingililani kuti mukulya cakulya ciweme nipo mufuna kuziŵa zinthu zaikako. Ko mungakonshe ŵani? Mosapenekela mungakonshe munthu wapika.
Molingana na izi, kuti muziŵe zinthu zingayavye banja kuŵa yotemwa, mungacite luweme kukonsha kwa Yehova eyambisha makonzelo a banja.—Genesis 2:18-24.
-
Mulungu osamala za mweo. Mabanja angacite luweme kusakila-sakila malango a Yehova yopezeka m’Malizu ŵake. Ndaŵanji? “Cikomo cakuti yove okudelani nkhaŵa.” (1 Petulo 5:6, 7) Yehova opangwa ngako kuti zinthu zokuyendelani luweme nipo malango ŵake oyavya nsita zonse—Miyambo 3:5, 6; Yesaya 48:17, 18.
LINGILILANI KONSHO IYI
Mungaŵe tyani mulume, mkazi, keno kolo iweme?
Baibolo yuyankha konsho yamene iyi pa lembo ya AEFESO 5:1, 2 na pa AKOLOSE 3:18-21.
Ziyakine Zamungakonde
ZOKHUZA SEO
Ndaŵa Yanji Mufunika Kuphunzila Baibo?
Baibo yupeleka mayankho ofunika ngako pa umoyo ku ŵanthu mamiliyoni anyinji pacalo. Kansi mungakonde kunkhala m’gulu ya ŵanthu amene aŵa?
ZOKHUZA SEO
Sengani Phunzilo ya Baibo
Phunzilani yankho iliyonse yamungankhale nayo ya m’Baibo, olo phunzilani zokhuza Mboni za Yehova.
