Kansi ni Ŵani Ocita Cifunilo ca Yehova Masiku Ŵano?
Mboni za Yehova zupezeka pacalo conse nipo zufumila m’mitundu yonse na zinkhalidwe zosiyana-siyana. Mwa zakwanishika tyani kuti ŵanthu osiyana-siyana teti ankhale okatizhyana?
Ko Cifunilo ca Mulungu n’Cinji?
Mulungu ofuna kuti ŵanthu onse aphunzile za cifunilo cake. Kansi cifunilo camene ico n’cinji, nipo ni ŵani masiku ŵano ophunzisa ŵanthu ayakine za cifunilo camene ici?
PHUNZILO 1
Ko a Mboni za Yehova ni Ŵanthu Otyani?
Kansi ni Mboni za Yehova zingani zamuziŵa? Ko ni zinthu zotyani maka-maka zamuziŵa zokhuza seo?
PHUNZILO 2
Ndaŵa Yanji Tuitiwa Kuti Mboni za Yehova?
Lingililani vifukwa vitatu vetetolela zina yamene iyi.
PHUNZILO 3
Cendi ca m’Baibolo Cupezeka Soti
Kansi tingaziŵe tyani kuti zatukhulupilila masiku ŵano niye zayuphunzisa Baibolo?
PHUNZILO 4
Ndaŵa Yanji Tufalisa Baibulo la Dziko Latsopano?
Kansi ni cinji cucitisha Baibulo la Dziko Latsopano kunkhala yapadela?
PHUNZILO 5
Ko Muzaone Cinji Mukawela ku Misonkhano Yasu?
Tusonkhana kuti tiphunzile Malembo nolimbikishana umo na muyake. Tikakulondeleni na manja aŵili!
PHUNZILO 6
Kansi Kukatizhyana na Akhilisitu Ayasu Kutiyavya Tyani?
Malizu a Mulungu olimbikisha Akhilistu kukumana pamo. Ziŵani mwamungapindulile popezeka pa misonkhano yamene iyi.
PHUNZILO 7
Kansi Misonkhano Yasu Yucitika Tyani?
Ko mwelingililapo kuti n’cinji cucitika pa misonkhano yasu? Tukhulupilila kuti mukasangalale na maphunzilo apalulu a m’Baibolo yati mukalondele.
PHUNZILO 8
Ndaŵa Yanji Tuvwala Luweme pa Misonkhano Yasu?
Kansi Mulungu osamala za kavwalidwe kasu? Phunzilani mfundo za m’Baibolo zutiyavya pa nkhani ya kavwalidwe na maonekedwe.
PHUNZILO 9
Mwatingakonzekelele Misonkhano
Kuti mupindule ngako na misonkhano yasu, muwamila kukonzekelelatu.
PHUNZILO 10
Kansi Kulambila kwa Pabanja n’Cinji?
Onani mwamene makonzelo yamene aya yangakuyavyileni kuvwendela pafupi na Mulungu notang’isha banja yanu.
PHUNZILO 11
Ndaŵa Yanji Tucita Misonkhano Ikulu-ikulu?
Caka ciliconse, tucita misonkhano itatu yapadela. Kansi mungapindule tyani na misonkhano yamene iyi?
PHUNZILO 12
Ko Nchito Yasu Yolalikila za Ufumu Yucitika Tyani?
Tukonkha cisanzo cecitisiila Yesu peenze pacalo. Kansi ni njila ziyakine zotyani zatuseŵenzesha polalikila?
PHUNZILO 13
Kansi Mpainiya ni Ŵani?
A Mboni za Yehova ayakine oseŵenza ma awala 30, 50, olo kupitililapo pa nchito yolalikila. Mwa n’cinji cuŵalimbikisha?
PHUNZILO 14
Kansi Apainiya Olondela Maphunzilo Otyani?
Kansi atumiki a nthawi zonse olondela maphunzilo apadela otyani?
PHUNZILO 15
Ko Akulu Otumikila Mpingo m’Njila Zotyani?
Akulu ni analume ofwikapo mwauzimu nipo otangulila mpingo nouŵetela. Kansi otiyavya m’njila zotyani?
PHUNZILO 16
Kansi Atumiki Oyavya Ali na Udindo Wanji?
Atumiki oyavya okata nchito zamene zuyavya kuti mpingo ukoyenda luweme. Ziŵani mwatupindulila na nchito zao.
PHUNZILO 17
Kansi Oyanganila Oyenda-yenda Otiyavya m’Njila Zotyani?
Ndaŵanji oyanganila oyenda-yenda oyendela mipingo? Kansi mungapindule tyani pakuyendela mpingo wanu?
PHUNZILO 18
Ko Tucitanji Pakacitika Soka Kuti Tiyavye Akwasu?
Pakacitika soka, tutwala kamangu-kamangu thandizo yofunikila na cilimbikiso cauzimu kwa akwasu. Kansi tuŵayavya m’njila zotyani?
PHUNZILO 19
Kansi Kapolo Wokhulupilika na Wanzelu ni Ŵani?
Yesu elonjeza kuti akasankhe kapolo ati akoyaŵila cakulya cauzimu. Kansi zamene izi zucitika tyani?
PHUNZILO 20
Kansi Bungwe Yolamulila Yuseŵenza Tyani Masiku Ŵano?
M’vyaka 100 voyambilila, kagulu katontho ka akulu na atumwi kenzotumikila n’nga bungwe yolamulila m’malo mwa mpingo Wacikhilisitu. Tyani ponena za masiku ŵano?
PHUNZILO 21
Kansi Beteli n’Cinji?
Beteli ni malo apadela amene ali na colinga cofunika ngako. Phunzilani zinyinji zokhuza ŵala otumikila pa Beteli.
PHUNZILO 22
Ko ku Ofesi ya Msambo Kucitika Nchito Yanji?
Tulondela na manja aŵili alwendo ofuna kuzoona maofesi ŵasu a msambo. Tukusengani kuti mukawele!
PHUNZILO 23
Kansi Mabuku Ŵasu Olembewa Nomasuliliwa Tyani?
Tumasulila mabuku m’vilaŵilo vopitilila pa 700. Ndaŵa yanji tucita nthina teti?
PHUNZILO 24
Ko Ndalama za Nchito Yasu Zufumila Kuni?
Pa nkhani ya zotwala, kansi gulu yasu yusiyana tyani na vipembezo viyakine?
PHUNZILO 25
Ndaŵanji Tumanga Ng’anda za Ufumu, Nipo Tumanga Tyani?
Ndaŵa yanji malo yasu yolambilila yoitiwa kuti Ng’anda za Ufumu? Phunzilani zinyinji zokhuza mwamene malo amene aŵa oyavyila mipingo yasu.
PHUNZILO 26
Kansi Tingacitenji Kuti Tisamalile Ng’anda Yasu ya Ufumu?
Ng’anda ya Ufumu yaukhondo koma soti yosamalika luweme yulemekeza Mulungu wasu. Ko ponkhala makonzelo otyani kuti Ng’anda ya Ufumu ikonkhala yaukhondo?
PHUNZILO 27
Kansi Tingapindule Tyani na Laibulale ya pa Ng’anda ya Ufumu?
Ko mungakonde kufufuza zinthu ziyakine kuti muyangizhyile ciziŵiso canu ca m’Baibolo? Lutani ku laibulale ya pa Ng’anda ya Ufumu!
PHUNZILO 28
Kansi pa Webusaiti Yasu Popezeka Cinji?
Mungaphunzile zinyinji zokhuza seo na zikhulupililo zasu koma soti mungapeze mayankho a m’Baibolo.
Ko Mweo Mukocita Cifunilo ca Yehova?
Yehova Mulungu okukondani ngako. Mwa mungaoneshe tyani kuti mufuna kucita zinthu zomukondwelesha pa umoyo wanu?
