Ko Cifunilo ca Mulungu n’Cinji?
Mulungu ofuna kuti tinkhale mwamtendele na cimwemwe m’paladaiso pacalo mpaka kale-kale!
Koma mungakonshe kuti, ‘Mwa zamene izi n’zokwanishika?’ Baibolo yulaŵila kuti Ufumu wa Mulungu niye wati ukakwanishe kucita zamene izi, nipo cifunilo ca Mulungu n’cakuti ŵanthu onse aphunzile za Ufumu wamene uyu na colinga cake kuli seo.—Salimo 37:11, 29; Yesaya 9:7.
Mulungu ofuna kuti zinthu zikotiyendela luweme.
Atata aweme ofuna kuti ŵana ŵao akonkhala luweme. Nao Ausuwasu akululu ofuna kuti tikonkhala osangalala mpaka kale-kale. (Yesaya 48:17, 18) Yove walonjeza kuti ŵala ‘ocita cifunilo ca Mulungu akankhale kosasila.’—1 Yohane 2:17.
Mulungu ofuna kuti tikoyenda m’njila zake.
Baibolo yulaŵila kuti Nyamalenga wasu ofuna ‘kutiphunzisa njila zake’ kuti ‘tikoyenda m’njila’ zamene izo. (Yesaya 2:2, 3) Yove wasankha “ŵanthu oziŵika na zina yake” kuti alalikile za cifunilo cake pacalo conse.—Machitidwe 15:14.
Mulungu ofuna kuti tikomulambila mokatizhyana.
Ŵanthu olambila Yehova okondana ngako nipo okatizhyana m’malo mogaŵanikana. (Yohane 13:35) Kansi masiku ŵano ni ŵani ophunzisa analume na anakazi kulikonse mwaangatumikilile Mulungu mokatizhyana? Ŵelengani kabuku kano kuti muziŵe.
Ziyakine Zamungakonde
ZOKHUZA SEO
Kansi n’Cinji Cucitika pa Phunzilo ya Baibo?
Pacalo conse, a Mboni za Yehova ophunzila Baibo na ŵanthu osiyanasiyana cosalipilisha. Onani mwayucitikila phunzilo.
ZOKHUZA SEO
Ndaŵa Yanji Mufunika Kuphunzila Baibo?
Baibo yupeleka mayankho ofunika ngako pa umoyo ku ŵanthu mamiliyoni anyinji pacalo. Kansi mungakonde kunkhala m’gulu ya ŵanthu amene aŵa?
