Tukuyamikilani ngako kuti mwenzopatula nthawi yoŵelenga kabuku kano. Kakuyavyani kutiziŵa luweme seo monga Mboni za Yehova, kuziŵa nchito yasu na kuona mwayukatila nchito gulu yasu. Tukhulupilila kuti kakuyavyani kuziŵa kuti seo niye tucita cifunilo ca Yehova masiku ŵano. Tukulimbikishani kuti mupitilizhye kuphunzila za Mulungu, kuuzhyako abanja ŵanu na ayanu zamuphunzila na kuti mukowela ku misonkhano yasu nthawi zonse.—Aheberi 10:23-25.

Mukapitilizhya kuphunzila za Yehova, mumvwishishe kuti yove okukondani ngako. Nipo zamene izi zikulimbikisheni kucita zonse zamungakwanishe kuti namwe muoneshe kuti mumukonda. (1 Yohane 4:8-10, 19) Koma kansi mungaoneshe tyani zamene izi pa umoyo wanu? Ndaŵa yanji kumvwila malamulo a Mulungu okhuza minkhalidwe iweme kungakupindulisheni? Nipo n’cinji cingakusonkhezeleni kuti mukocita cifunilo ca Mulungu pamo na seo? Okuphunzisani Baibolo angakuyavyeni kupeza mayankho kuti mweo na banja yanu “mupitilizhye kucita zinthu zamene zingacitishe Mulungu kukukondani, . . . nokusegulilani njila yakuti mulondelele moyo wosasila.”—Yuda 21.

Tetyo tukulimbikishani kuluta pasogolo pa njila ya cendi mwa kuphunzila soti buku iyi “Pitilizhyani Kunkhala m’Cikondi ca Mulungu”