Zamungacite kuti mupindule na kabuku kano
Sengani munthu muyakine kuti akuyavyeni: Sengani kuti mukophunzila Baibo na munthu ekupasani kabuku kano, olo filing’ani fomu yosengela phunzilo ya Baibo pa webusaiti ya jw.org.
MBALI YOYAMBA
Mukoŵelenga ndime iliyonse, kuyangizhyilapo makonsho ali m’vilembo vifipa (A) na malemba (B) amene ogogomezela mfundo zikulu-zikulu. Malemba ayakine ni olembewa kuti “ŵelengani.”
MBALI YAPAKATI
Pa mbali yakuti Phunzilani Zinyinji pali ciganizo (C) camene cufotokoza zati muphunzile. Tumitu tutontho-tutontho (D) tufotokoza mfundo zikulu-zikulu. Mukoŵelenga malemba, kuyankha makonsho, noonelela mavidyo (E).
Mukoona vithunzithunzi na tumau twake (F), ndipo mukoganizila mwamungayankhile makonsho ali pa mbali yakuti Ŵanthu Ayakine Okamba Kuti (G).
MBALI YOSILIZHYILA
Mutu ulionse usila na mbali yakuti Mfundo Zacidule na yakuti Kuwelezhya Mfundo Zikulu-zikulu (H). Lembani deti yamwasilizhya kuphunzila mutu. Mbali yakuti Zamungacite (I) yukuuzhyani zinthu zamufunikila kucita. Pa mbali yakuti Fufuzani (J) pali nkhani zoyangizhyilika zamungafune kuŵelenga olo mavidyo yamungafune kuonelela.
Mwamungapezele malemba m’Baibo
Malemba aoneshewa m’njila iyi: zina ya buku ya m’Baibo (A), capita (B), na vesi olo mavesi (C). Mwacisanzo, mukapeza polemba kuti Yohane 17:3, ndiye kuti ni buku ya Yohane, capita 17, vesi 3.
