Zecicita Yesu

Kansi Tingaphunzilenji Kufumila Kuli Yesu?

2. Tingankhale na makambisilano abwino ngati tuyamba na nkhani ­yakucita nayo cidwi munthu watulaŵizhyana naye.

 Tolelani Cisanzo ca Yesu

3. Mukonkhala okonzeka kucinja. Osati mukoyumilila kuyambisha ­makambisilano poseŵenzesha tyala nkhani yamwakonzekela. M’malo mwake, mukoyamba na nkhani zakucita nazo cidwi ­ŵanthu ayakine. Zikonsheni kuti:

1.    ‘Kansi ni nkhani zotyani zacitika lombapano?’

2.   ‘Kansi ni nkhani zotyani zakulaŵila maneba, ŵanuseŵenza nao olo ŵanthu ŵanuphunzila nao?’

4. Mukonkhala chelu. Zikonsheni kuti:

1.    ‘Kansi munthu uyu ocitanji? Kansi munthu uyu oganizanji?’

2.   ‘Kansi mavwalidwe, maonekedwe, olo pa ng’anda zuniuzhyanji zokhuza zakukhulupilila olo cinkhalidwe cake?’

3.   ‘Kansi ino ni nthawi yabwino yolaŵila na munthu uyu?’

5. Mukomvwishila.

1.    Mukopewa kulaŵila ngako.

2.   Mukolola munthu wamulaŵizhyana naye kufotokoza ­maganizo ŵake. Ngati n’pofunikila, mungakonshe makonsho.