KUYAMBISHA MAKAMBISILANO
PHUNZILO 5
Mukolaŵila Mwaulemu
Mfundo: “Nthawi zonse mau ŵanu akonkhala acisomo.”—Akol. 4:6.
Zecicita Paulo
1. Onelelani VIDYO, olo ŵelengani Machitidwe 17:22, 23. Pavuli pake, yankhani makonsho aŵa:
-
Kansi Paulo ecimvwa tyani na kulambila kwawenye kweciona ku Atene?—Onani Machitidwe 17:16.
-
M’malo moimba mlandu ŵanthu a ku Atene, kansi Paulo eseŵenzesha tyani mwaulemu zinthu zeenzokhulupilila ŵanthu aŵa poŵalalikila uthenga uweme?
Kansi Tingaphunzilenji Kufumila Kuli Paulo?
2. Ŵanthu onkhala okonzeka kumvwishila ngati tusankha mosamala mau, mwatuyalaŵilila koma soti nthawi patuyalaŵila.
Tolelani Cisanzo ca Paulo
3. Mukosankha mau mosamala. Mwacisanzo, ngati mulaŵila na munthu wamene ni Mkhristu lini, mungafunike kunkhala osamala na mwamungayambile makambisilano a m’Baibo olo mwamungalaŵilile zokhuza Yesu.
4. Mukopewa kuutukila kuongolela munthu. Mukomulola kufotokoza maganizo ŵake. Ngati walaŵila zinthu zamene zusushana na zayulaŵila Baibo, osakangana naye. (Yak. 1:19) Ngati mumumvwishila, mukoziŵa zakukhulupilila na cifukwa cake ozikhulupilila.—Miy. 20:5.
5. Mukovomelezhya noyamikila munthu ngati ni poyenela. Payakine angankhale wosimikizhya kuti zakukhulupilila n’zacendi. Tetyo, mukoyesa kukambilana naye nkhani yamukhulupilila monse aŵili, ndipo pavuli pake mukomuyavya kumvwisha zayuphunzisa Baibo.
