Mukonkhala Otang’a Mtima

MVWISHILANI

Mfundo: “Tetang’a mtima moyavyiwa na Mulungu wasu ndipo telaŵila namwe zokhuza uthenga uweme.”—1 Ates. 2:2.

Zecicita Yesu

VIDYO: Yesu Olalikila Zakeyu

1. Onelelani VIDYO, olo ŵelengani Luka 19:1-7. Pavuli pake, yankhani makonsho aŵa:

Ndaŵa yanji ŵanthu ayakine enzomupewa Zakeyu?
N’cinji cesonkhezela Yesu kuti amulalikile uthenga uweme?

Kansi Tingaphunzilenji Kufumila Kuli Yesu?

2. Tufunika kunkhala otang’a mtima kuti tikokwanisha kulalikila uthenga wa Ufumu ku munthu aliyense.

Tolelani Cisanzo ca Yesu

3. Mukodalila Yehova. Mzimu wa Mulungu weyavya Yesu kuti alalikile ndipo namwe ungakuyavyeni. (Mat. 10:19, 20; Luka 4:18) Mukosenga Yehova kuti akuyavyeni kunkhala otang’a mtima kuti mukwanishe kulalikila ŵanthu ŵamuyopa.—Mac. 4:29.

4. Mukopewa kuweluzilatu ŵanthu. Nthawi ziyakine tingawayewaye kulaŵizhyana na ŵanthu ayakine cifukwa ca maonekedwe ŵao, kulemela, kusauka, umoyo wao olo zakukhulupilila. Koma mukokumbukila kuti:

Yehova na Yesu okwanisha kuziŵa zili mumtima mwa munthu, koma seo tukwanisha lini.
Munthu aliyense angaoneshewe cifundo na Yehova.

5. Mukonkhala otang’a mtima, koma mukonkhala soti aulemu na osamala. (Mat. 10:16) Mukopewa kukangana. Mwaulemu, mukosilizhya makambisilano ngati munthu ofuna lini kumvwishila uthenga uweme olo ngati muona kuti nimwe osatetezeka.—Miy. 17:14.

ONANI SOTI

Mac. 4:31; Aef. 6:19, 20; 2 Tim. 1:7

KONDANI ŴANTHU—PANGANI OPHUNZILA