KUCITA ULWENDO WOWELELAKO
PHUNZILO 8
Mukonkhala Oleza Mtima
Mfundo: “Cikondi n’coleza mtima.”—1 Akor. 13:4.
Zecicita Yesu
1. Onelelani VIDYO, olo ŵelengani Yohane 7:3-5 na 1 Akorinto 15:3, 4, 7. Pavuli pake, yankhani makonsho aŵa:
Kansi Tingaphunzilenji Kufumila Kuli Yesu?
2. Tufunika kunkhala odekha cifukwa ŵanthu ayakine otola nthawi itali kupambana ayakine kuti avomelezhye uthenga wasu.
Tolelani Cisanzo ca Yesu
3. Mukoyesa njila iyakine. Ngati munthu aliyovomelezhye nthawi yamene iyo kuti ayambe kuphunzila Baibo, osamukakamizhya. Ngati n’poyenela, mungaseŵenzeshe mavidyo olo nkhani ziyakine kuti mumuyavye kumvwisha zucitika pa phunzilo ya Baibo koma soti mwangapindulile.
4. Mukopewa kumulinganizhya na munthu muyakine. Munthu aliyense ni wosiyana na munthu muyakine. Ngati wabanja olo munthu wemwecitako ulwendo wowelelako owayawaya kuyamba kuphunzila Baibo olo kuvomelezhya ciphunziso ca m’Baibo, mukoganizila cifukwa cingamupangishe kucita izi. Kansi pali ciphunziso ciyakine cacipembezo camene n’cofunika ngako kuli yove? Kansi osonkhezelewa na abanja olo maneba? Mukomupasa nthawi kuti aganizilepo pa zinthu zemwelaŵila na kufunika kwa zinthu zayulaŵila Baibo.
5. Mukopemphelela munthu wacidwi. Mukosenga Yehova kukuyavyani kupitilizhya kunkhala aulemu koma soti amaganizo oyenela. Mukomusenga soti kuti akuyavyeni kuzindikila nthawi yamungaleke kuwelelako kuli munthu wamene oonesha lini cidwi.—1 Akor. 9:26.
