PHUNZILO 15
Kulaŵila Mwacidalilo
1 Atesalonika 1:5
MALIZU ACIDULE: Oneshani kuti mukhulupilila cendi ca m’Baibolo koma soti kufunika kwa zinthu zamulaŵila.
MWAMUNGACITILE:
-
Konzekelani luweme. Konzekelani nkhani yanu mokwanila kuti mumvwishe mfundo zikulu-zikulu koma soti muone mwazukatizhyilana luweme na Baibolo. Yesayesani kufotokoza mfundo zikulu-zikulu za nkhani yanu m’malizu osavuta. Ganizilani mwazingayavyile omvwishila. Sengani mzimu utuŵa kuti ukuyavyeni.
-
Laŵilani malizu oonesha kuti musimikizhyila. M’malo mowelezhya malizu mweciyalembela mu zofalisa, mungacite luweme kulaŵila m’malizu ŵanu-ŵanu. Laŵilani malizu m’njila yoonesha kuti nimwe osimikizhya pa zamulaŵila.
-
Laŵilani mosimikizhya koma soti mofumila pansi pa mtima. Laŵilani momvwika luweme. Mungaloleshe omvwishila pamulaŵila nkhani yanu ngati n’zololeka kucita zamene izi.
