“Mulungu . . . azeshangule misozi yonse m’menso mwao nipo kukaŵeve soti infwa, matamano, malilo keno voŵaŵa.”​—Chivumbulutso 21:3, 4, Baibulo la dziko latsopano.

Muziŵe kuti ni Mulungu lini ocitisha matamano yatukumana nayo.​—Yakobo 1:13.

Tunkhazikishiwa mtima pansi poziŵa kuti Mulungu otimvwila cifundo keno tutamana.​—Zekariya 2:8.

Muŵe nacilolelo cakuti kutamana konse kukasile.​—Salimo 37:9-11.

Eee, tingazicetekele pa vikomo viŵili:

• Mulungu ozonda matamano na kusoŵa cilungamo. Lingililani mwecimvwila Yehova Mulungu peenzonzuziwa atumiki ŵake nsita ya kuvuli. Baibolo yunena kuti ecimvwa lusungu cikomo ca “ŵanthu enzokankha-kankha atumiki ŵake mwa nkhanza.”​—Oweruza 2:18, Baibulo la Dziko latsopano.

  Mulungu akumvwa caipa ngako na ŵanthu onzunza ayao. Coonelapo, Baibolo yunena kuti “yove onyansiwa na manja yokhesa milopa ya ŵanthu osalakwa.”​—Miyambo 6:16, 17.

• Mulungu osamala za seo aliyense payeka-payeka. Sikuti ni ŵanthu tyala “oziŵa za mlili na ululu wao,” Yehova naye oziŵa.​—2 Mbiri 6:29, 30.

  Kupitila mu Ufumu wake, Yehova lombapano azefumyepo matamano yakukumana nayo munthu aliyense payeka. (Mateyo 6:9, 10) Pali lomba onkhazika mitima pansi ŵala omusakila-sakila na mtima wonse.​—Machitidwe 17:27; 2 Akorinto 1:3, 4.