AKALINDE Akalinde alipo kuti akuyavyeni. Mukokatizhyana nao pokonkha malangizo ŵao okhuza kopanamika mamotoka, manjinga, kusogolela ŵanthu, kusungilatu malo onkhala, na pa nkhani ziyakine.

DIPATIMENTI YA ZOTAIKA Zinthu zonse zopezeka zuwamila kutwaliwa ku Dipatimenti ya Zotaika. Keno mwataya ciliconse, lutani ku Dipatimenti yamene iyi noŵauzhya vamwataya. Ŵana amene asoŵa kuli makolo ŵao nao owamila kutwaliwa ku Dipatimenti yamene iyi. Tetyo mufunika kusamalila ŵana ŵanu ndipo mukonkhala nao pamozi.

MALO ONKHALA Mukoganizila ayanu. Kumbukilani kuti mungasungile malo onkhala ŵanthu ŵamuyenda nao pamozi, ŵamunkhala nao ng’anda imozi, olo ŵamuphunzila nao Baibolo tyala. Tetyo musaike vinthu pa malo okuzungulilani.

NCHITO YOZIFUNILA Keno mufuna kuyavya nchito pa msonkhano, lutani ku Dipatimenti yamene iyi.

UBATIZO Malo onkhalapo akuya ku ubatizo akasungiwe kusogolo kwa pulatifomu. Keno pakankhale kucinja, cilengezo cikatwaliwe. Akuya ku ubatizo owamila kunkhala pa malo yaaŵasungila ikaliyoyamba nkhani ya ubatizo pa siku yaciŵili kum’mawa. Aliyense ofunika kuleta thaulo na covwala ca ulemu coloŵa naco m’manzi.

ZACIPATALA Kumbukilani kuti Dipatimenti ya zacipatala ni ya zinthu zuwela MOSAYEMBEKEZELEKA TYALA.

ZOPELEKA Poseŵenzeshewa ndalama zinyinji kuti pankhale malo onkhalapo okwanila, zolaŵililako, na zinthu ziyakine zoyavya kuti msonkhano uyende luweme, na kuti utiyavye kuvwendela pafupi na Yehova. Ndalama zamene izo zufumila pa zopeleka zanu zozifunila, ndipo zuyavya soti pa nchito ya pacalo conse. Kuti zisakuvuteni kupanga zopeleka, mabokosi olembewa luweme aikiwa pamalo osiyanasiyana pa msonkhano uno. Tuyamikila ngako pa zopeleka zanu zonse. Bungwe yolamulila yuyamikila ngako pa zopeleka zamupanga popitisha pasogolo zinthu za Ufumu.

SUKULU YA ALENGEZI A UFUMU Apainiya a vyaka va pakati pa 23 na 65 amene ofuna kuyangizhyila utumiki wao, osengewa kuyopezeka pa miting’i ya ofuna kuloŵa Sukulu ya Alengezi a Ufumu, pa siku yacitatu m’mawa. Akalengezeletu nthawi na malo kwati kukacitikile miting’i yamene iyi.