MUTU 02
Baibo Yutipasa Ciyembekezo
Ŵanthu pacalo conse okumana na mavuto. Mavuto aŵa oŵacitisha kunkhala okalipa na ankhaŵa. Kansi mwekumanapo na mavuto amene ekucitishani kumvwa teti? Payakine muvutika cifukwa ca matenda, olo cifukwa ca imfwa ya munthu wamukonda. Mungazikonshe kuti, ‘Kansi mavuto akasile?’ Baibo yupeleka yankho yomvwika bwino pa konsho iyi.
1. Kansi Baibo yutipasa ciyembekezo canji?
Baibo yufotokoza cifukwa cake pacalo pali mavuto. Yutiuzhya soti kuti lombapano Mulungu acosepo mavuto. Malonjezo a m’Baibo angakuyavyeni kunkhala na “ciyembekezo cabwino na sogolo yabwino.” (Ŵelengani Yeremiya 29:11, 12.) Malonjezo aŵa otiyavya kupilila mavuto yatukumana nayo nonkhala osangalala pali lomba.
2. Kansi Baibo yufotokoza kuti vinthu vinkhale tyani msogolo?
Baibo yufotokoza kuti “imfwa ikankhaleko lini soti. Kukaŵeve kulila, kapena kumimila, olo voŵaŵa.” (Ŵelengani Chivumbulutso 21:4.) Mavuto amene osausha ŵanthu monga umphawi, kusoŵa cilungamo, matenda na imfwa, akankhaleko lini soti. Baibo yulonjeza kuti ŵanthu akasangalale na moyo kosasila m’Paladaiso pacalo.
3. Mungasimikizhye tyani kuti malonjezo a m’Baibo akakwanilishiwe cendi?
Ŵanthu anyinji oyembekezela vinthu vabwino. Koma nthawi zinyinji vinthu vakuyembekezela vucitika lini. Koma zayulonjeza Baibo n’zosiyana. Tingakhulupilile zayulaŵila mwa “kufufuza Malemba mosamala.” (Machitidwe 17:11) Pamuphunzila Baibo, mupange cosankha pamweka, kaya mufuna kukhulupilila zayulaŵila zokhuza sogolo olo yai.
PHUNZILANI ZINYINJI
Fufuzani zinthu ziyakine zayulonjeza Baibo. Onani mwamene ciyembekezo ca m’Baibo cuthandizila ŵanthu masiku ŵano.
4. Baibo yulonjeza kuti tingankhale na moyo wosasila uliye mavuto alionse
Onani malonjezo aŵa opezeka m’Baibo. Ni lonjezo yotyani yukusangalasani ngako? Ndaŵa yanji?
Ŵelengani lemba ili pa lonjezo iliyonse, nokambilana makonsho aŵa:
-
Kansi muona kuti malemba aŵa okupasani ciyembekezo? Kansi muganiza kuti a m’banja mwanu na ayanu angapindule na malemba aŵa?
Yelekezelani kuti muli m’calo mwamene:
|
MULIYE . . . |
ALIYENSE . . . |
|---|---|
|
|
|
|
|
|
|
|
|
|
5. Malonjezo a m’Baibo angacinje umoyo wanu
Ŵanthu anyinji okhumudwa nokalipa cifukwa ca mavuto yakuona. Ayakine oyesayesa kucinja vinthu kuti vinkhale bwino. Lonjezo ya m’Baibo yakuti vinthu vinkhale bwino yathandiza ŵanthu anyinji. Onani mwayaŵathandizila. Onelelani VIDYO, nokambilana makonsho aŵa:
-
Mu vidyo yatatamba, kansi Rafika ecitiliwa vinthu votyani viliye cilungamo?
-
Olo kuti vinthu viliye cilungamo veciona viliyosile, kansi Baibo yemuyavya tyani?
Ciyembekezo cayutipasa Baibo ca vinthu va msogolo cutiyavya kulimbana na mavuto na vinthu vokhumudwisha. Ŵelengani Miyambo 17:22 na Aroma 12:12, nokambilana makonsho aŵa:
-
Kansi muganiza kuti uthenga wa ciyembekezo uli m’Baibo ungacinje umoyo wanu? Ndaŵa yanji?
ŴANTHU AYAKINE OKAMBA KUTI: “Malonjezo ya m’Baibo yomvwika bwino ngako soti cakuti n’covuta kukhulupilila kuti yangacitike cendi.”
-
Muganiza kuti ndaŵa yanji mufunika kufufuza umboni pamweka?
MFUNDO ZACIDULE
Baibo yutipasa ciyembekezo notiyavya kupilila mavuto mwa kutilonjeza sogolo yacimwemwe.
Kuwelezhya mfundo zikulu-zikulu
-
Ndaŵa yanji ŵanthu ofunikila ciyembekezo?
-
Kansi Baibo yuphunzisa kuti n’cinji cati cicitike msogolo?
-
Kansi kunkhala na ciyembekezo ca msogolo kungakuyavyeni tyani pali lomba?
FUFUZANI
Onani mwayangakuyavyileni malonjezo ya m’Baibo ngati mwakumana na mavuto.
“Ni Kuni Kwamungapeze Ciyembekezo?” (Galamukani!, April 22, 2004)
Onani mwamene ciyembekezo cingayavyile ŵala olwala matenda akulu.
“Kansi Baibo Ingakuyavyeni Ngati Mulwala Matenda Akulu?” (Nkhani yupezeka tyala pa webusaiti)
Ngati mutamba vidyo iyi ya nyimbo, mukoganizila kuti mweo na a m’banja mwanu musangalala m’Paladaiso.
Onani mwewecinjila umoyo wa munthu wamene enzofuna kuti vinthu vicinje pa nkhani za ndale peciphunzila za ciyembekezo ca m’Baibo.
“Niliye Soti Maganizo Ofuna Kucinja Vinthu Pacalo” (Nsanja ya Olonda, July 1, 2013)
